’அடங்க மறு’ படத்தின் ஃபர்ஸ்ட் லுக் போஸ்டர் வெளியீடு!

நடிகர் ஜெயம்ரவி நடிப்பில் உருவாகியுள்ள ’அடங்க மறு’ படத்தின் ஃபர்ஸ்ட் லுக் போஸ்டர் நேற்று வெளியாகி ரசிகர்களிடையே அமோக வரவேற்பை பெற்றுள்ளது.

தொலைக்காட்சி தொடர்கள் தயாரிக்கும் நிறுவனமான ஹோம் மூவி மேக்கர்ஸ் சினிமா துறையில் கால் பதிக்கிறது. இந்நிறுவனம் தயாரிக்கும் முதல் படம் 'அடங்க மறு'. சரண், மிஷ்கின், அமீர் ஆகிய இயக்குநர்களிடம் பணியாற்றிய கார்த்திக் தங்கவேல் இப்படத்தின் மூலம் இயக்குநராகிறார். ஜெயம் ரவி நடிக்கும் இந்த படத்தில், ராஷி கண்ணா கதாநாயகியாக நடிக்கிறார்.


சத்யன் சூர்யன் ஒளிப்பதிவில், சாம் சி.எஸ் இசையமைப்பில், ரூபன் எடிட்டிங்கில் உருவாகும் இந்த படத்தின் ஃபர்ஸ்ட் லுக் போஸ்டர் நேற்று வெளியானது. ஜெயம் ரவி கையில் துப்பாக்கியுடன், கோபமாக இருக்கும் இந்த போஸ்டர் ரசிகர்களிடையே மிகுந்த வரவேற்பை பெற்றுள்ளது.