வெயிட்டான கேரக்டரா சொல்லுங்கப்பா ... ரம்யா கிருஷ்ணன்!

படத்தில் நடிக்க வேண்டிய கேரக்டரை கேட்டு அது வெயிட்டான கேரக்டராக இருந்தால் மட்டுமே நடிக்க சம்மதிக்கிறார் நடிகை ரம்யாகிருஷ்ணன்.

நடிகை ரம்யா கிருஷ்ணன் திருமணத்திற்கு பின் படங்களில் நடிப்பதை குறைத்துக் கொண்டார். மேலும் அவர் எதிர்பார்த்த மாதிரி கேரக்டர் எதுவும் அவருக்கு அமையவில்லை. ஆகையால் அவர் சொந்தமாக ‘வம்சம்’ என்ற தொடரை தயாரித்து அதில் நடித்து வருகிறார். மேலும் அவர் படங்களின் தனது கேரக்டருக்கு ஏற்ற மாதிரி கதை அமைந்தால் அதில் நடிக்கும் முடிவில் இருக்கிறார். அதுபோலதான் அமைந்தது ‘பாகுபலி’ படத்தின் கேரக்டரும். ‘2.ஓ’ படத்திலும் நடிக்க சம்மதித்ததற்கு காரணம் ‘படையப்பா’ படம் போன்ற கேரக்டர் அமைந்ததுதானாம். அதுபோலத்தான் ‘சபாஷ் நாயுடு’ படத்திலும் ‘பஞ்ச தந்திரம்’ படம் கேரக்டர் போல் வெயிட்டான கேரக்டர் அமைந்ததால் அதில் நடிக்க சம்மதித்துள்ளார் ரம்யா கிருஷ்ணன்.

தற்போது ரம்யா கிருஷ்ணன் ‘பாகுபலி 2’வில் நடித்து வருகிறார். அவரை தேடி பல படங்கள் வருகின்றன. எல்லா படங்களிலும் அவருக்கு டம்மியான வேடம்தானாம். ஆனால், அவர் எதிர்பார்ப்பது நல்ல வெயிட்டான பவர்புல்லான கேரக்டரை எதிர்பார்க்கிறாராம். சில படங்களை காட்டி இந்த மாதிரி கேரக்டர் இருந்தால் சொல்லுங்கள் நடிக்கிறேன், இல்லையேல் வேண்டாம் என்று கூறி பல இயக்குனர்களை தட்டி கழித்து வருகிறாராம் ரம்யா கிருஷ்ணன்.