மும்பையில் கஜோலுடன் ஆடி பாடிய தனுஷ்!

நடிகர் தனுஷ் ‘விஐபி 2’ படத்தின் புரமோஷன் ஆல்பத்துக்காக மும்பையில் நடிகை கஜோலுடன் ஆடி பாடினார்.

நடிகர் தனுஷ் நடிப்பில் சௌந்தர்யா ரஜினி இயக்கத்தில் உருவாகியுள்ள படம் ‘விஐபி 2’. இந்த படத்தின் படப்பிடிப்புகள் முடிவடைந்து போஸ்ட் புரடொக்ஷன்ஸ் பணிகள் வேகமாக நடைபெற்று வருகிறது. இந்நிலையில் தற்போது இந்த படத்தின் புரமோஷனுக்காக ஒரு மியூசிக் வீடியோ ஒன்று மும்பையில் தயாரிக்கப்பட்டுள்ளது. இந்த வீடியோவில் தனுஷ் மற்றும் கஜோல் நடிக்க அதை சௌந்தர்யா ரஜினி இயக்கியுள்ளார். இந்த தகவலை சௌந்தர்யா தனது டுவிட்டரில் உறுதி செய்துள்ளார். ஒருநிமிடம் ஓடும் இந்த மியூசிக் வீடியோ விரைவில் தொலைக்காட்சிகளில் ஒளிபரப்பாக உள்ளது.

தனுஷ், அமலாபால், கஜோல், சமுத்திரக்கனி, சரண்யா, விவேக், மோனல் கஜ்ஜார், ரிஷிகேஷ் உள்பட பலர் நடித்துள்ளனர். இந்த படத்திற்கு சீன் ரோல்டன் இசையமைத்துள்ளார். இந்த படத்தை கலைப்புலி எஸ்.தாணு மற்றும் தனுஷ் ஆகியோர் இணைந்து தயாரித்துள்ளனர்.

Dhanush danced with Kajol in Mumbai!!