தனுஷுக்கு கிடைத்துள்ள மிகப்பெரிய அங்கீகாரம்..!

தனுஷ் இயக்கத்தில் வெளியாகியுள்ள 'பவர் பாண்டி' திரைப்படத்தை, இயக்குநர் ஷங்கர் தனது டிவிட்டர் பக்கத்தில் பாராட்டியுள்ளார்.

தனுஷ் முதன்முதலாக இயக்கியுள்ள பவர் பாண்டி திரைப்படத்திற்கு ரசிகர்கள் மட்டுமல்லாது, திரைத்துறை பிரபலங்களிடமும் நல்ல வரவேற்பு கிடைத்து வருகிறது. ஏற்கனவே இயக்குநர்கள் கெளதம் மேனன் மற்றும் எஸ்.ஜே.சூர்யா ஆகியோர் பவர் பாண்டி படத்தை பாராட்டியிருந்தனர்.

இந்நிலையில் பிரம்மாண்ட இயக்குநர் ஷங்கரும், பவர் பாண்டி படத்தை தனது டிவிட்டர் பக்கத்தில் பாராட்டி கருத்து தெரிவித்துள்ளார். “பவர் பாண்டி ஒரு சிறந்த, நெகிழ்ச்சியை ஏற்படுத்தக் கூடிய காட்சிகளை கொண்டுள்ள படம். தனுஷ் மற்றும் படக்குழுவினருக்கு என்னுடைய வாழ்த்துகள்.ராஜ்கிரண், ரேவதி,பிரசன்னா உள்ளிட்ட பலர் சிறப்பாக நடித்துள்ளனர்.” என ஷங்கர் தெரிவித்துள்ளார்.

இயக்குநர் ஷங்கரின் இந்த பாராட்டுக்கு நன்றி தெரிவித்துள்ள தனுஷ்,”உங்களிடம் கிடைத்துள்ள இந்த பாராட்டு எனக்கு மேலும் உற்சாகமளிக்கிறது. எங்கள் படம் உங்களுக்கு பிடித்துள்ளதற்கு மகிழ்ச்சி. 2.0 படத்திற்காக ஆர்வத்துடன் காத்துக் கொண்டிருக்கிறேன்.” என தெரிவித்துள்ளார்.

Director Shankar commented about Power Pandi film