அழுத்தமான கேரக்டரில் மியா ஜார்ஜ்!

நடிகை மியா ஜார்ஜ் ‘எமன்’ படத்தில் அழுத்தமான கேரக்டரில் நடித்துள்ளார்.

நடிகை மியா ஜார்ஜை ‘அமர காவியம்’ மூலம் தமிழில் அறிமுகப்படுத்தினார் இயக்குனர் ஜீவா சங்கர். அந்தப் படத்தின் தோல்விக்குப் பின் போதிய வரவேற்பு கிடைக்கவில்லை மியா ஜார்ஜுக்கு. இருந்தாலும் ‘நேற்று இன்று நாளை’, ‘வெற்றிவேல்’, ‘ஒருநாள் கூத்து’ ஆகிய படங்களில் நடித்துள்ளார். தற்போது மியா ஜார்ஜை வைத்து ‘எமன்’ படத்தை இயக்கி வருகிறார் இயக்குனர் ஜீவா சங்கர்.

மேலும், நடிகை மியா ஜார்ஜ், இதற்கு முன்பு நடித்ததை விட ‘எமன்’ படத்தில் அழுத்தமான கேரக்டரில் நடித்துள்ளார். ஒரு சராசரி இளைஞன் அரசியல்வாதியால் பாதிக்கப்பட்டு பின்னர் அரசியலில் நுழைந்து வெற்றி பெறுகிறான். இந்த கேரக்டரில் விஜய் ஆண்டனி நடித்துள்ளார். அப்போதுதான் மியா ஜார்ஜுடன் காதல் மலர்கிறது.

படத்தில் விஜய் ஆண்டனிக்கு உற்சாகம் கொடுக்கும் வகையில் பேசி அவருக்கு ஊக்கத்தையும், தன்னம்பிக்கையயும் கொடுப்பாராம் மியா ஜார்ஜ். இந்தப் படத்தில் இயக்குனர் ஜீவா சங்கர், மியா ஜார்ஜை டூயட் பாட மட்டும் பயன்படுத்தாமல் படத்தில் முக்கியத்துவம் வாய்ந்த நல்ல கேரக்டரில் நடிக்க வைத்துள்ளாராம்.