தமிழ், தெலுங்கில் ரீமேக்காகும் ’100 டிகிரி செல்சியஸ்’

கடந்த 2014ம் ஆண்டு மலையாளத்தில் ராகேஷ் கோபன் இயக்கத்தில் வெளிவந்த படம் 100 டிகிரி செல்சியஸ். முற்றிலும் பெண்களை மையப்படுத்தி த்ரில் கலந்து உருவாகியிருந்தது இப்படம். இதில், அனன்யா, ஸ்வேதா மேனன், பாமா, மேகனா ராஜ், பிரவீன் ஜெயின், கவியூர் பொன்னம்மா ஆகியோர் பலர் நடித்திருந்தனர்.
தற்போது இப்படம் தமிழ் மற்றும் தெலுங்கு ஆகிய மொழிகளில் இப்படம் ரீமேக் செய்யப்படுகிறது. கிட்டத்தட்ட 4 படங்களை ரீமேக் செய்த இயக்குனர் ஜவஹர் மித்ரன் இப்படத்தையும் இரு மொழிகளில் ரீமேக் செய்கிறார். ஆனால், இப்படத்திற்கான டைட்டில் இன்னும் சூட்டப்படவில்லை என்பது குறிப்பிடத்தக்கது.

பெண்களை மையப்படுத்திய இப்படத்திற்கு ராய் லட்சுமி மற்றும் நிகேஷா படேல் ஆகியோர் தேர்வு செய்யப்பட்டுள்ளதாக இயக்குனர் தெரிவித்துள்ளார். மேலும், மற்ற நடிகைகளுக்கான தேர்வும் தற்போது நடந்து வருகிறது. அடுத்த மாதம் இப்படத்திற்கான படப்பிடிப்பு தொடங்கப்படயிருக்கிறது.

வங்கியில் பணியாளர், சாப்ட்வேர் இன்ஜினியர், குடும்பப்பெண், டிவி ரிப்போர்டர் மற்றும் கல்லூர் பெண் ஆகிய 5 பெண்களின் உண்மை நிகழ்ச்சிகளை இப்படம் சித்தரிக்கிறது. இப்படம் தமிழ் சினிமாவுக்கு ஏற்றவாறு ரீமேக் செய்யப்படுகிறது என்பது குறிப்பிடத்தக்கது.