2.0 டப்பிங் பணிகள் துவக்கம்:சூப்பர் ஸ்டார் பங்கேற்பு..!

2.0 படத்திற்கான டப்பிங் பேசும் பணிகளில் சூப்பர் ஸ்டார் ரஜினிகாந்த் ஈடுபட்டு வருகிறார்.

லைகா நிறுவனம் மிகப்பிரம்மாண்டமாக தயாரித்து வரும் 2.0 திரைப்படத்திற்கு தமிழகம் மட்டுமல்லாது இந்திய திரையுலகம் முழுவதும் பெரும் எதிர்பார்ப்பு நிலவி வருகிறது.எந்திரன் படத்திற்கு பின்னர் ஷங்கர்-ரஜினிகாந்த் கூட்டணி இணைவதால்,சர்வதேச தரத்தில் 2.0 படம் இருக்கும் என ரசிகர்கள் எதிர்பார்க்கின்றனர்.

பல கட்டமாக நடைபெற்று வந்த 2.0 படத்தின் படப்பிடிப்பு,ஏறக்குறைய நிறைவடைந்து விட்டதாக கூறப்படுகிறது.ரஜினிகாந்த் இடம்பெறும் காட்சிகளுக்கு டப்பிங் பேசிவிட்டால்,கம்யூட்டர் கிராபிக்ஸ் பணிகளை துவங்கலாம் என ஷங்கர் திட்டமிட்டுள்ளாராம்.எனவே படப்பிடிப்பு 100 சதவீதம் முடிவடையாத நிலையில் படத்திற்கான டப்பிங் பணிகள் நடைபெறத் துவங்கியுள்ளன.இதில் ரஜினிகாந்த் பங்கேற்று தனது கதாபாத்திரத்திற்காக டப்பிங் பேசி வருகிறார்.

இந்த படத்திற்காக ஒலி அமைப்பை ஆஸ்கர் விருது பெற்ற ரசூல் பூக்குட்டி செய்கிறார்.2.0 படத்தின் டப்பிங் பணிகள் துவங்கிவிட்டதாக அவர் தனது டிவிட்டர் பதிவில் தெரிவித்துள்ளார்.

2.0 Film's dubbing works started