சுதந்திர தினத்தில் வெளியாகும் 2.0 படத்தின் டீசர்!

நடிகர் ரஜினி நடித்துள்ள 2.0 படத்தின் டீசர் வருகிற ஆகஸ்ட் 15-ஆம் தேதி வெளியாகும் என்ற தகவல் வெளியாகி உள்ளது.

சிவாஜி', 'எந்திரன்' படங்களைத் தொடர்ந்து ரஜினி -ஷங்கர் கூட்டணியில் உருவாகிவரும் படம் '2.0'. ஏ.ஆர். ரஹமான் இசையில், அக்சய்குமார், எமிஜாக்சன் உள்பட பலர் நடித்துள்ள இந்த படம், நவம்பர் 29-ல் ரிலீஸ் என்று ஏற்கெனவே அறிவிக்கப்பட்டு இருந்தது.

லைகா நிறுவனம் தயாரிப்பில், கிட்டத்தட்ட 400 கோடி ரூபாய் மெகா பட்ஜெட்டில் உருவாகியிருக்கும் இப்படத்தின் மீதான எதிர்பார்ப்பு அதிகரித்திருக்கும் நிலையில், படத்தின் டீசரை வருகிற ஆகஸ்ட் 15-ஆம் தேதி படத்தின் வெளியிட வாய்ப்புள்ளதாக கோலிவுட்டில் தகவல் கசிந்துள்ளது.

2.0 படத்தின் சவுண்ட் இன்ஞ்சியனியரான ரசூல் பூக்குட்டியிடம், ரசிகர் ஒருவர், டுவிட்டரில், 2.0 டீசர் எப்போது ரிலீஸாகும், என்று கேட்க, அதற்கு அவர், இந்தியாவிற்கு எப்போது சுதந்திரம் கிடைத்தது? என பதிவிட்டுள்ளார். இதனால் 2.0 படத்தின் டீசர் வருகிற ஆகஸ்ட் 15-ஆம் தேதி வெளியிடப்படலாம் என்று தகவல் வெளியாகியுள்ளது.