2.0 டீசர், ரிலீஸ் தேதி அறிவிப்பு வெளிவந்தது!

ரஜினி நடிப்பில் உருவாகி வரும் 2.0 படத்தின் டீசர் மற்றும் ரிலீஸ் தேதி இயக்குனர் ஷங்கர் தெரிவித்ததாக ரஜினி ரசிகர்கள் டுவிட்டர் பக்கத்தில் தெரிவிக்கப்பட்டுள்ளது.

இயக்குனர் ஷங்கர் இயக்கத்தில் சூப்பர்ஸ்டார் ரஜினிகாந்த் நடிப்பில் கடந்த 2010ம் ஆண்டு வெளியான படம் எந்திரன்.இப்படத்தின் 2ம் பாகமாக 2.0 விறுவிறுப்பாக உருவாகி வருகிறது. இப்படத்தில் ரஜினிகாந்துடன் இணைந்து எமி ஜாக்சன், அக்‌ஷய் குமார், அதில் ஹூசைன், ரியாஸ் கான், கலாபவன் சஜான், சுதன்ஷூ பாண்டே ஆகியோர் பலர் நடித்துள்ளனர். படப்பிடிப்பு முற்றிலும் முடிக்கப்பட்ட நிலையில், படத்திற்கான கிராபிக்ஸ் காட்சிகளின் பணி விறுவிறுப்பாக நடந்து வருகிறது.

இப்படத்தின் ரிலீஸ் தேதி ஏற்கனவே அறிவிக்கப்பட்ட நிலையில், அப்படத்தின் டீசர் வெளியிடப்படும் தேதியை இயக்குனர் ஷங்கர் தெரிவித்ததுள்ளார்.

சில ரஜினி ரசிகர்கள், 2.0 இயக்குனர் ஷங்கரை பெசண்ட் நகரில் உள்ள முருகன் கோயிலில் சந்தித்துள்ளனர். ஷங்கரிடம் 2.0 டீசர், படம் ரிலீஸ் தேதி குறித்து கேட்டுள்ளனர்.

அதற்கு ஷங்கர் 2.0 படத்தின் டீசர் வரும் செப்டம்பர் 13 விநாயகர் சதூர்த்தி தினத்தில் வெளியாகும் என்றும், படம் நவம்பர் 29ம் தேதி வெளியாகும் எனவும் தெரிவித்ததாக ரஜினி ரசிகர்கள் டுவிட்டர் பக்கத்தில் பதிவிடப்பட்டுள்ளது.