திடீரென தன் சம்பளத்தை குறைத்த ரஜினிகாந்த்! - இதுதான் காரணம்

லைகா தயாரிப்பில் சமீபத்தில் வெளியான ‘2.0’, தயாரிப்பாளருக்கு சரியான லாபத்தை தராததால் தற்போது அதன் நிறுவனத்தில் நடிக்கவுள்ள படத்திற்காக தன்னுடைய சம்பளத்தை ஓரளவு குறைத்துள்ளார் நடிகர் ரஜினிகாந்த்.

நடிகர் ரஜினிகாந்த ‘பேட்ட’ படத்தை அடுத்து ஏ.ஆர்.முருகதாஸ் இயக்கத்தில் ஒரு படத்தில் நடிக்கவுள்ளார். இந்தப்படத்தினை ‘2.0’ படத்தை தயாரித்த லைகா நிறுவனமே தயாரிக்கவுள்ளது. இந்தப் படத்தின் படப்பிடிப்பு மார்ச் மாதம் தொடங்குகிறது. இந்தப் படத்திற்காக 90 நாட்கள் கால்ஷீட் ஒதுக்கியுள்ளார் நடிகர் ரஜினிகாந்த்.



இந்நிலையில் நடிகர் ரஜினி இந்த படத்திற்கான தனது சம்பளத்தை குறைத்துள்ளார் என்று கூறப்படுகிறது. லைகா நிறுவனம் ரஜினியை வைத்து இதற்குமுன் தயாரித்த ‘2.0’ படம் எதிர்பார்த்த அளவுக்கு வசூல் தமிழ்நாட்டில் வசூலிக்கவில்லை. வெளிநாடுகளில் நல்ல வசூல் வந்தாலும் அதில் தயாரிப்பாளருக்கு லாபம் இல்லை என கூறப்படுகிறது. அதனால் அடுத்த படத்தில் ரஜினி தன் சம்பளத்தை குறைத்துக்கொண்டுள்ளார்.