20 வருஷம் ஆகிடுச்சா! நம்பவேமுடியல.. : மாதவனின் அலைபாயுதே மெமரீஸ்

"நான் உன்ன விரும்பல.. உன் மேல ஆசைப்படல.. நீ அழகா இருக்கேனு நினைக்கல... ஆனா இதெல்லாம் நடந்துடுமோனு பயமா இருக்கு" என அலைபாயுதே படத்தில் மாதவன் பேசும் வசனம் தமிழ் சினிமா ரசிகர்களால் மறக்க முடியாத ஒன்று. தற்போதும் லவ் ப்ரோபோசல் சீன் என்றால் இதைத்தான் எடுத்துகாட்டாக பலரும் கூறுவதுண்டு.

இந்த படம் 2000 வருடத்தில் ஏப்ரல் 14ம் தேதி திரைக்கு வந்தது. இன்றொடு அலைபாயுதே வந்து 20 வருடங்கள் நிறைவு பெறுகிறது. அதை கொண்டாடும் விதமாக ரசிகர்கள் ட்விட்டரில் பதிவிட்டு வருகின்றனர்.

ஒளிப்பதிவாளர் பி.சி.ஸ்ரீராம் தனது ட்விட்டரில் இது பற்றி பேசியுள்ளார். "20 வருடங்கள் ஆகிவிட்டது . தற்போதும்
ரசிகர்கள் மனதில் மலரும் நினைவாக இருக்கிறது" என அவர் குறிப்பிட்டுளளார்.

அதற்கு பதில் அளித்த மாதவர் "வாவ்.. நம்பவே முடியவில்லை. 20 வருடங்கள் முடிந்துவிட்டது. வாவ்" என கூறியுள்ளார்.


மேலும் மற்றொரு ட்விட்டில் ரசிகர்களுக்கு மாதவன் நன்றி கூறியுள்ளார். "என்னுடைய முதல் படம் அலைபாயுதே வந்து 20 வருடங்கள் பறந்துவிட்டது. என்னையும், இந்த படத்தையும் நினைவில் உயிர்ப்போடு வைத்திருந்தவர்களுக்கு நன்றி" என கூறியுள்ளார் மாதவன்.


அலைபாயுதே படத்திற்காக ஏ.ஆர்.ரஹ்மான் இசையமைத்த பாடல்கள் மிகப்பெரிய ஹிட். இசை 5 வெளியாகி 5 லட்சம் கேசட்டுகள் விற்றதை கொண்டாடும் விதமாக கடைகளுக்கு சென்று ரசிகர்கள் உடன் கேக் வெட்டி கொண்டாடப்பட்டது. அந்த நினைவுகளை பிரபல தயாரிப்பாளர் தனஞ்செயன் ட்விட்டரில் பகிர்ந்துள்ளார்.