‘தமிழ் படம்‘’ இரண்டாம் பாகம் உருவாகிறது?

நடிகர் சிவா நடிப்பில் உருவான ‘தமிழ் படம்’ என்ற படத்தின் இரண்டாம் பாகம் தற்போது உருவாகவுள்ளதாக தெரிகிறது.

தமிழில் இரண்டாம் பாகம் சீசன் அதிகரித்துக் கொண்டோ போகிறது. ‘எந்திரன் 2’, ‘விஸ்வரூபம் 2’, ‘விஐபி 2’, , ‘சண்ட கோழி 2’ என ஏகப்பட்ட இரண்டாம் பாக படங்கள் தயாராகி வருகிறது. இந்நிலையில் தற்போது மேலும் ஒரு படம் இரண்டாம் பாகத்திற்கு தயாராகி வருகிறது. அதுதான் நடிகர் சிவா நடித்த ‘தமிழ்ப்படம்’.

கடந்த 2010ஆம் ஆண்டு மிர்ச்சி சிவா நடிப்பில் உருவான படம்தான் ‘தமிழ் படம்’. இந்தப் படத்தை சி.எஸ்.அமுதன் இயக்கியிருந்தார். இந்தப் படத்தில் தமிழ் சினிமாவைப் பற்றி கலாய்ப்பு அதிகமாக இருந்தது. தற்போது இந்தப் படத்தின் இரண்டாம் பாகம் உருவாகவுள்ளதாம். முதல் பாகத்தில் நடித்த மிர்ச்சி சிவா இந்த படத்தில் மீண்டும் நாயகனாக நடிக்கிறார். அந்தப் படத்தை இயக்கிய சி.எஸ்.அமுதன் தான் இந்தப் இரண்டாம் பாகத்தையும் இயக்கவுள்ளாராம்..

இந்தப் படத்தை ஒய் நாட் ஸ்டுடியோஸ் நிறுவனம் தயாரிக்கவுள்ளது. இந்த படத்தில் புதுமுகம் ஒருவர் நாயகியாக நடிக்கவுள்ளார். முதல் பாகமே போலவே இந்த இரண்டாம் பாகத்திலும் தற்போதைய சினிமாக்களை கலாய்க்கவுள்ளார்களாம்.