விஜய் படத்தில் மூன்று நாயகிகள்; மூன்று வில்லன்கள்!

நடிகர் விஜய் நடிப்பில் கடைசியாக வெளியான படம் ‘சர்க்கார்’. இந்தப்படத்தை ஏ.ஆர்.முருகதாஸ் இயக்கியிருந்தார். இந்தப் படத்தில் அவருக்கு எதிரியாக மூன்று பேர் நடித்திருந்தனர். நடிகர்கள் பழ.கருப்பையா, ராதாரவி மற்றும் நடிகை வரலட்சுமி சரத்குமார் ஆகியோர்.

இந்நிலையில் தற்போது பூஜையுடன் தொடங்கியுள்ள விஜய்யின் 63வது படத்திலும் மூன்று வில்லன்கள் இடம்பெற்றுள்ளனர். இந்தப் படத்தில் நடிகர்கள் ஆனந்த்பாபு, டேனியல் பாலாஜி மற்றும் சாய்தீனா ஆகிய மூவரும் நெகட்டிவ் கேரக்டர்களில் நடிக்கின்றனர். இவர்களும் பட பூஜையில் கலந்து கொண்டு உறுதிபடுத்தியுள்ளனர். இருப்பினும் இந்த மூவரை தவிர முக்கிய வில்லன் கேரக்டர் ஒன்றும் இந்த படத்தில் இருப்பதாக கூறப்படுகிறது.

அதேபோல் இந்த படத்தில் மூன்று நாயகிகள் நடிக்கவிருப்பதாகவும், அதில் ஒருவர்தான் நயன்தாரா என்றும், இவர் தவிர கீர்த்திசுரேஷ் மற்றும் ஒரு பிரபல நடிகை இந்த படத்தில் நடிக்கவிருப்பதாகவும் கூறப்படுகிறது.

இந்தப் படத்திற்கு ஏ.ஆர்.ரஹ்மான் இசையமைக்கிறார். படத்தை ஏஜிஎஸ் நிறுவனம் தயாரிக்கிறது. படம் இந்தாண்டு தீபாவளிக்கு வெளியாகிறது.