‘காட்டேரி’ படத்தில் நாயகிகள் நான்கு பேர் யார் யார்?

‘காட்டேரி’ படத்தில் நடிக்கும் நாயகிகள் யார் யார் என்ற பட்டியல் தற்போது வெளியாகியுள்ளது.

இயக்குனர் டீகே இயக்கத்தில் உருவாகி வரும் படம் ‘காட்டேரி’. இந்தப் படத்தை ‘ஸ்டுடியோ கிரீன்’ நிறுவனம் சார்பில் கே.ஈ.ஞானவேல்ராஜா தயாரிக்கிறார். இந்த ‘காட்டேரி’ படத்தில் நடிகர் வைபவ் கதாநாயகனாக நடிக்கிறார்.இந்த படத்தின் படப்பிடிப்பு சென்னையில் நடைபெற்று வருகிறது.

இந்த படத்திற்கு ‘யாமிருக்க பயமேன்’ படத்திற்கு இசையமைத்த இசையமைப்பாளர் எஸ்.என்.பிரசாத இசையமைக்கிறார். இந்தப் படத்தில் நாயகிகளாக நான்கு பேர் ஒப்பந்தமாகியுள்ளனர். அவர்கள் யார் யார் என்ற விபரம் தற்போது வெளியாகியுள்ளது. நடிகைகள் வரலட்சுமி சரத்குமார், ‘மீசையை முறுக்கு’ படத்தில் நடித்த ஆத்மிகா, அடுத்தது ‘கப்பல்’ படத்தில் நடித்த சோனம் பஜ்வா இறுதியாக தெலுங்கு பட நடிகை மனாலி ரத்தோட் என நான்கு பேர் நடிக்கிறார்கள். நடிகர் வைபவ் முதன் முறையாக நான்கு நாயகிகளுடன் டூயட் பாடப் போகிறார்.