42 வருஷம், வாவ் ஆன்ட்டி: ராதிகாவை வாழ்த்திய வரலட்சுமி சரத்குமார்

ராதிகா சரத்குமார் நடிக்க வந்து இன்றுடன் 42 ஆண்டுகள் நிறைவடைந்துள்ளது. இவ்வளவு தூரம் வருவேன் என்று நானே எதிர்பார்க்கவில்லை என ராதிகா தெரிவித்துள்ளார். ராதிகா செய்துள்ள இந்த சாதனை பற்றி அவரின் ரசிகர்கள் சமூக வலைதளங்களில் பெருமையாக பேசி வருகிறார்கள்.

42 ஆண்டுகளாக சினிமா துறையில் அதுவும் வெற்றிகரமான நடிகையாக இருப்பது சாதாரண விஷயம் அல்ல. அது ராதிமாவுக்கு சாத்தியம் ஆனது என்றால் அதற்கு ஒரே காரணம் அவரின் கடின உழைப்பு தான் என்று தீவிர ரசிகர்கள் தெரிவித்துள்ளனர். மேலும் ராதிகாவின் புகைப்படங்களை எல்லாம் தேடிக் கண்டுபிடித்து சமூக வலைதளங்களில் போஸ்ட் செய்துள்ளனர்.

இந்நிலையில் வரலட்சுமி சரத்குமாரும் ராதிகாவை வாழ்த்தி ட்வீட் செய்துள்ளார். அந்த ட்வீட்டில் வரலட்சுமி கூறியிருப்பதாவது,

ஆன்ட்டி...42 ஆண்டுகள்....வாவ். தொடர்ந்து எங்களுக்கு எல்லாம் இன்பிரேஷனாக இருங்கள். இன்று இரவு ஒளிபரப்பாகும் சித்தி 2 சீரியலுக்கு வாழ்த்துக்கள்...என்று தெரிவித்துள்ளார்.

கொரோனா வைரஸ் பிரச்சனையால் தொலைக்காட்சி தொடர்களின் ஷூட்டிங் நிறுத்தி வைக்கப்பட்டது. இதனால் தொலைக்காட்சி தொடர்கள் ஒளிபரப்பப்படாமல் இருந்தன. இந்நிலையில் ராதிகா நடித்து வரும் சித்தி 2 தொடர் இன்று இரவு முதல் மீண்டும் ஒளிபரப்பாக உள்ளது.

வரலட்சுமி ராதிகாவுடன் நன்றாக பழகி வருகிறார். மேலும் ராதிகாவின் மகன் ராகுலை தன் சொந்த தம்பியாகவே நினைக்கிறார் வரலட்சுமி. வரலட்சுமியின் படங்கள் வந்தாலோ, அவர் நல்லது செய்தாலோ அவரை முதல் ஆளாக பாராட்டுபவர் ராதிகா தான். அதே போன்று ராதிகா எது செய்தாலும் மனதார பாராட்ட தவறாதவர் வரலட்சுமி. அவர்கள் இருவரும் இப்படி ஒற்றுமையாக இருப்பதை பார்த்து ரசிகர்கள் மகிழ்ச்சியில் இருக்கிறார்கள்.

இந்நிலையில் ராதிகாவை வாழ்த்தி வரலட்சுமி சரத்குமார் போட்ட ட்வீட்டை பார்த்த ரசிகர்கள் கூறியிருப்பதாவது,

ராதிகாவை வாழ்த்திய வரலட்சுமியை நினைத்து பெருமையாக இருக்கிறது. இப்படி வாழ்த்த நல்ல மனசு வேணும், அது வரலட்சுமியிடம் இருக்கிறது. இன்று இரவு சித்தி 2 தொடரை நீங்களும் பார்க்கவும் என்றனர்.

ராதிகா உங்களுக்கு சித்தி தானே, அவரை ஏன் ஆன்ட்டி என்கிறீர்கள் என்று சிலர் கேட்டனர். அதற்கு சமூக வலைதளவாசிகள் சிலர், சித்தியை ஆங்கிலத்தில் ஆன்ட்டி என்று தான் அழைப்பார்கள். அதனால் வரலட்சுமி அப்படி சொன்னதில் தவறு இல்லை என்று விளக்கம் அளித்துள்ளனர்.

42 ஆண்டுகளாக வெற்றிகரமான நடிகையாக இருக்கும் ராதிகாவுக்கு திரையுலக பிரபலங்கள், ரசிகர்கள் பலர் வாழ்த்து தெரிவித்துள்ளனர். தன்னை வாழ்த்தி ட்வீட் செய்தவர்களுக்கு ராதிகா நன்றி தெரிவித்துள்ளார். தன் அம்மாவின் சாதனை பற்றி ரயன் மிதுனும் ட்வீட் செய்திருக்கிறார்.

ராதிகா சரத்குமார் இப்படி ஒரு சாதனை படைப்பார்னு நினைச்சீங்களா?

பெரிய திரையில் மட்டும் அல்ல சின்னத்திரையிலும் சாதனை படத்துள்ளார் ராதிகா. எத்தனை பேர் தொலைக்காட்சி தொடர்களில் நடித்தாலும் ராதிகாவுக்கு என்று தனி ரசிகர்-ரசிகை பட்டாளம் இருக்கிறது. ராதிகா நடிப்பில் வரும் தொலைக்காட்சி தொடர் ஒளிபரப்பாகும் போது மட்டும் பிள்ளைகள் ரிமோட்டை தொட்டால் அம்மாமார்கள் கோபம் அடையும் சம்பவம் எல்லாம் நடக்கிறது. அந்த அளவுக்கு இல்லத்தரசிகள் கொண்டாடும் நடிகையாக இருக்கிறார் ராதிகா.