'ரொம்ப சவாலாக இருந்தது': 96 பட ரீமேக் அனுபவத்தை பகிர்ந்து கொண்ட சமந்தா!

தமிழில் கடந்த ஆண்டு அக்டோபர் மாதம் வெளியான படம் 96. விஜய் சேதுபதி மற்றும் த்ரிஷா இணைந்து நடித்துத்திருந்த இப்படத்தை பிரேம் இயக்கி இருந்தார்.

90ஸ் கீட்ஸிகளின் பள்ளிப்பருவ காதல் மற்றும் நட்பை நினைவுபடுத்தும் விதமாக அமைந்திருந்தால் மிகுந்த வரவேற்பைப் பெற்றது. 96 படம் வசூல் ரீதியாக நல்ல வரவேற்பைப் பெற்றது மட்டுமின்றி பல விருதுகள் வாங்கி குவித்தன.

ராம், ஜானு கதாபாத்திரம் ரசிகர்களை வெகுவாக கவர்ந்ததால் அவர்கள் அணிந்திருந்த உடை கூட ட்ரெண்டானது. அது மட்டுமின்றி த்ரிஷா மற்றும் விஜய் சேதுபதி அந்த கதாபாத்திரமாகவே மாறி நடித்து அசத்தியிருந்தனர்.

ரூ.3 கோடி செக் மோசடி வழக்கு: விஜய் பட நாயகிக்குப் பிடி வாரண்ட்..

அந்த வெற்றியைத் தொடர்ந்து 96 படத்தை கன்னடத்தில் ரீமேக் செய்து வெளியிட்டனர். அதில், கோல்டன் ஸ்டார் கணேஷ் மற்றும் பாவனா நடித்திருந்தார்.

அதைத் தொடர்ந்து தெலுங்கில் ரீமேக்காகி வந்தது. அதன் படி ஜானு கதாபாத்திரத்தில் சமந்தாவும், ராமச்சந்திரன் கதாபாத்திரத்தில் ஷர்வானந்தும் இணைந்து நடித்து வந்தனர். ‘ஜானு’ என பெயரிடப்பட்டுள்ள இப்படத்தைத் தமிழில் இயக்கிய பிரேம் குமார் இயக்கியுள்ளார்.


இந்த நிலையில் நீண்ட நாட்களாக நடைபெற்று வந்த படத்தின் ஷூட்டிங் தற்போது நிறைவடைந்துள்ளதாகக் கூறப்படுகிறது. இது குறித்து சமந்தா தனது ட்விட்டர் பக்கத்தில், ‘இது எனக்கு மற்றொரு ஸ்பெஷல் படம் . முன்பு இருந்ததை விட என்னை சிறந்தவளாக மாற்றிய சவாலான கேரக்டர் இது. இந்த ஜானு கனவு குழுவில் அங்கமாக இருந்த இயக்குநர் பிரேம் மற்றும் ஷர்வானந்திற்கு மிக்க நன்றி’ என்று பதிவு செய்துள்ளார்.

இதை கண்ட சமந்தா ரசிகர்கள், 'ஜானுவாக உங்களைப் பார்ப்பதற்கு மிக ஆர்வத்துடன் காத்திருக்கிறோம்' என்று கமெண்ட் செய்துள்ளனர்.