பிரபல நடிகருக்கு தற்கொலை மிரட்டல் விடுத்த ரசிகை!

நான் தற்கொலை செய்து கொள்வேன் என்று ரசிகை ஒருவர் பிரபல நடிகர் வருண் தவானுக்கு மிரட்டல் விடுத்துள்ளார்.

சினிமா நட்சத்திரங்களுக்கு ரசிகர்களால் எந்த விதத்தில் சோதனைகள் வரும் என்று கணித்து கூற முடியாது. அவர்கள் எந்த விழாக்களில் கலந்து கொண்டாலும் அவர்களை சுற்றி கூட்டம் கூடிவிடும்.

தற்போது பாலிவுட்டின் முன்னணி இளம் நாயகன் வருண் தவானுக்கு ஒரு ரசிகை வாட்ஸ் அப்பில் தற்கொலை மிரட்டல் விடுத்துள்ளார். ஒரு ரசிகை வாட்ஸ் அப்பில் ஏகப்பட்ட மெசேஜ் செய்து தொல்லை கொடுத்திருக்கிறார். இதனால் ஒரு கட்டத்தில் வருண் தவான் அந்த போன் நம்பரை பிளாக் செய்திருக்கிறார். போன் நம்பரை பிளாக் செய்த பிறகு அந்த ரசிகையின் சார்பில் ஒருவர் வருணுக்கு போன் செய்து, நீங்கள் பதில் மெசேஜ் அனுப்பவில்லை என்றால் அந்த ரசிகை தற்கொலை செய்து கொள்வார் என்று அந்த நபர் தெரிவித்துள்ளார்.

இதனால் வருண் தவான் உடனே சைபர் கிரைமில் புகார் கொடுத்ததோடு மட்டுமல்லாமல், காவல் நிலையத்திலும் இது சம்பந்தமாக புகார் செய்துள்ளார்.