நித்யா மேனன்
விஜய் சேதுபதி, நித்யா மேனன் நடித்த '19(1)a' படம் அண்மையில் ஓடிடியில் வெளியானது. இந்நிலையில் படம் குறித்த பேட்டியில் நித்யா மேனன் தெரிவித்த விஷயம் பலரையும் அதிர்ச்சி அடைய வைத்திருக்கிறது. அந்த பேட்டியில் நித்யா மேனன் கூறியதாவது, சமூக வலைதளத்தில் படங்களை விமர்சனம் செய்யும் ஒருவர் தன்னை திருமணம் செய்து கொள்ளுமாறு 6 ஆண்டுகளாக எனக்கு தொல்லை கொடுத்தார் என்றார்.
தொல்லை
நித்யா மேனன் மேலும் கூறியதாவது, அவர் சொல்வதை எல்லாம் அப்படியே நம்புபவர்கள் தான் உண்மையான முட்டாள்கள். என்னை பல காலமாக கொடுமைப்படுத்தி வருகிறார். அவர் வைரலான பிறகு என்னை பற்றி பப்ளிக்காக பேசத் துவங்கிவிட்டார். அவர் மீது போலீசில் புகார் அளிக்குமாறு பலர் என்னிடம் கூறியும் நான் பொறுமையாக இருக்கிறேன் என்றார்.
பெற்றோர்
என் பெற்றோரை அவர்களின் செல்போனில் அழைத்து பேசுவார். ஒரு கட்டத்தில் அவர்கள் பொறுமையை இழந்துவிட்டனர். என் அம்மா புற்றுநோயில் இருந்து குணமடைந்து கொண்டிருந்தபோது கூட கால் பண்ணுவார். பொதுவாக அமைதியாக இருக்கும் என் அப்பா, அம்மா அவரிடம் கோபமாக பேசுவதை பார்த்திருக்கிறேன். அந்த நபரின் செல்போன் எண்ணை பிளாக் செய்யுமாறு என் பெற்றோரிடம் கூறினேன். அவரின் சுமார் 30 எண்களை நான் பிளாக் செய்திருக்கிறேன் என்று நித்யா மேனன் தெரிவித்தார்.
ரசிகர்கள்
நித்யா மேனன் கூறியதை கேட்ட ரசிகர்கள் அதிர்ச்சி அடைந்துள்ளனர். அந்த விமர்சகர் யார் என்று எங்களிடம் சொல்லுங்கள். நாங்கள் பார்த்துக் கொள்கிறோம் என்கிறார்கள். இனியும் அந்த நபரை சும்மா விடாமல் போலீசில் புகார் கொடுங்கள் நித்யா. அப்பொழுது தான் அந்த நபர் அடங்குவார் என ரசிகர்கள் தெரிவித்துள்ளனர்.