தான் இசையமைத்த படத்தை தியேட்டருக்கு சென்று பார்த்த ஏ.ஆர். ரஹ்மான்!

தான் இசையமைத்த ‘அச்சம் என்பது மடமையடா’ படத்தை தியேட்டருக்கு சென்று பார்த்துள்ளார் இசையமைப்பாளர் ஏ.ஆர்.ரஹ்மான்.

கௌதம் மேனன் இயக்கத்தில் சிம்பு, மஞ்சிமா மோகன் மற்றும் பலர் நடித்துள்ள படம் ‘அச்சம் என்பது மடமையடா’. இந்தப் படம் கடந்த 11ம் தேதியன்று உலகம் முழுவதும் ரிலீஸானது. இந்தப் படம் தெலுங்கில் ‘சாஹசம் சுவாசகா சாகிப்போ’ என்ற பெயரில் ரீமேக்காகி அதே நாளில் வெளியானது.

தமிழ், தெலுங்கு ஆகிய இரண்டு மொழிகளிலும் வெளியான இந்தப் படம் இளம் ரசிகர்களால் அதிகம் வரவேற்கப்பட்டுள்ளது. இதனிடையே, இப்படத்திற்கு இசையமைத்த ஏ.ஆர்.ரஹ்மான் நேற்று சென்னையில் உள்ள சத்யம் தியேட்டருக்குச் சென்று தன்னுடைய பாடல்களுக்கு ரசிகர்கள் எப்படிப்பட்ட வரவேற்பைத் தருகிறார்கள் என்பதை நேரில் பார்த்தார். ஏ.ஆர்.ரகுமானின் நேற்று தியேட்டருக்குச் சென்று பார்த்ததை அவர் நேரடி ஒளிபரப்பு செய்ததையே சமூக வலைத்தளத்தில் சுமார் 75,000க்கும் மேற்பட்டவர்கள் பார்த்திருக்கிறார்கள்.