போட்டோ போட்டு கன்பார்ம் பண்ணிய ஆதி - நிக்கி கல்ராணி: ரீல் டூ ரியல் ஜோடி..!

பிரபல நடிகரான ஆதி, தமிழில், மிருகம், ஈரம், அய்யனார், அரவான், மரகத நாணயம் உள்ளிட்ட பல படங்களில் நடித்துள்ளார். அதே போல தெலுங்கு உள்ளிட்ட பிற மொழிகளி படங்கலும் நடித்துள்ளார். இவரின் நிச்சயார்த்த புகைப்படம் தற்போது இணையத்தில் வைரலாகி வருகிறது.

ஜி.வி. பிரகாஷ் குமார் நடிப்பில் வெளியாகி இருந்த 'டார்லிங்' மூலம் தமிழ் சினிமாவில் அறிமுகமானவர் நடிகை நிக்கி கல்ராணி. இதனைத் தொடர்ந்து, கோ 2, வேலைன்னு வந்துட்டா வெள்ளைக்காரன், ஹரஹர மஹாதேவகி, கலகலப்பு 2, உள்ளிட்ட பல படங்களிலும் நிக்கி கல்ராணி நடித்துள்ளார்.

தமிழ் மட்டுமில்லாமல், கன்னடம் மற்றும் மலையாள மொழி படங்களிலும் அவர் நடித்து வருகிறார். இதில், நிக்கி கல்ராணி மற்றும் ஆதி ஆகியோர் இணைந்து, மரகத நாணயம் மற்றும் யாகாவராயினும் நாகாக்க ஆகிய இரண்டு படங்களில் நடித்திருந்தனர். இவர்கள் இருவரும் ஒருவரை ஒருவர் காதலித்து வருவதாகவும், விரைவில் திருமணம் செய்து கொள்ள உள்ளதாகவும் தகவல்கள் வெளியானது.

நேத்து தனுஷ் இன்னைக்கு சிம்பு.. வேற லெவல் சம்பவத்திற்கு தயாராகும் ரசிகர்கள்..!
இந்நிலையில் ஆதி மற்றும் நிக்கி கல்ராணி ஆகியோர் சமூக வலைத்தள பக்கங்களில் தங்களின் நிச்சயார்த்த புகைப்படங்களை பகிர்ந்துள்ளனர். கடந்த 24 ஆம் தேதி, தங்களின் நிச்சயதார்த்த நிகழ்ச்சி நடந்ததாக இருவரும் குறிப்பிட்டுள்ளதுடன், இந்நிகழ்ச்சியில் இருவரின் குடும்பத்தினர் கலந்து கொண்டதாகவும் அவர்கள் தெரிவித்துள்ளனர்.

சினிமாவில் ஜோடிகளாக இருந்து, காதலிக்க ஆரம்பித்து, தற்போது நிஜ வாழ்க்கையிலும் ஒன்று சேர்ந்துள்ள ஆதி - நிக்கி கல்ராணி ஜோடிக்கு நெட்டிசன்கள் மற்றும் ரசிகர்கள் வாழ்த்துக்களைத் தெரிவித்து வருகின்றனர்.