ஆலம்பனா: அலாவுதீனாக வைபவ், பூதம் யார் தெரியுமா?

ஃபேன்டஸி படம் என்றாலே குழந்தைகள் முதல் பெரியவர்கள் வரை அனைவரும் விரும்புவார்கள். ஆனால் கோலிவுட்டை பொறுத்த வரை ஃபேன்டஸி படங்கள் குறைவாக தான் வெளியாகிறது. அப்படி வெளியாகும் படங்கள் கண்டிப்பாக ரசிகர்களை கவர்கிறது.

அந்த வரிசையில் தற்போது புதிதாக இணையுவுள்ள படம் ஆலம்பனா. வைபவ் ஹீரோவாக நடிக்கும் இப்படத்தை பாரி.கே.விஜய் இயக்குகிறார். கே.ஜே.ஆர் ஸ்டுடியோஸ் நிறுவனம் ஆலம்பனா படத்தை தயாரிக்கிறது. வைபவ் நடித்த மற்ற படங்களை விட இப்படத்தின் பட்ஜெட் அதிகம் என்பது குறிப்பிடத்தக்கது.

இது என்னய்யா விக்ரம் மகனுக்கு வந்த சோதனை: ஆதித்ய வர்மா 8ம் தேதி ரிலீஸாகாதாம்

இந்த நிலையில் 'அலாவுதீனும் அற்புத விளக்கும்' படத்தில் உள்ள அற்புத விளக்கை படக்குழு ஃபர்ஸ்ட் லுக் போஸ்டராக வெளியிட்டுள்ளது. வைபவ் அலாவுதீனாக நடிக்க, பூதம் கதாபாத்திரத்தில் முனிஷ்காந்த் நடிக்கவுள்ளதாக கூறப்படுகிறது.


இதில் திண்டுக்கல் ஐ லியோனி, ஆனந்த்ராஜ், காளி வெங்கட், முரளிசர்மா, கபீர் சிங் ஆகியோர் முக்கிய கதாபாத்திரத்தில் நடிக்கின்றனர்.

விஜய் சேதுபதிக்கு ஜோடியான சிம்பு, தனுஷ் பட ஹீரோயின்

மேலும் வினோத் ரத்தினசாமி ஒளிப்பதிவு செய்ய ஷான் லோகேஷ் எடிட்டிங் பணிகளை மேற்கொள்கிறார். இந்தியன் 2 ஸ்டண்ட் மாஸ்டர் பீட்டர் ஹெய்ன் இப்படத்திற்கு சண்டைக் காட்சிகளை அமைக்கிறார். இதனால் கண்டிப்பாக வேற லெவல் ஸ்டண்ட் காட்சிகள் இப்படத்தில் இருக்கும் என்று கூறப்படுகிறது.

வைபவ் நடிப்பில் வெளியான மேயாத மான், சிக்ஸர் வெற்றி படங்களில் 'ஆலம்பனா' படமும் இணையும் என்று எதிர்பார்க்கபடுகிறது