ரிலீஸுக்கு முன்பே இணைய தளத்தில் வெளியான மெகாஸ்டார் படம்!

மலையாள மெகா ஸ்டார் மம்முட்டி படம் ரிலீசுக்கு முன்பே இணையதளத்தில் வெளியாகியுள்ளது.

தற்போதைய படங்கள் திரைக்கு வருவதற்கு முன்பே இணையதளத்தில் வெளியாகும் சம்பவங்களும் அடிக்கடி நடந்து வருகிறது. மலையாள நடிகர் மெகா ஸ்டார் மம்முட்டிக்கு. தமிழ் திரைஉலகில் அதிக ரசிகர்கள் உள்ளனர்.

தற்போது ‘கிரேட் பாதர்’ என்ற புதிய மலையாள படத்தில் நடித்து உள்ளார். அவருக்கு ஜோடியாக நடிகை சினேகா நடித்துள்ளார். இந்த புதிய திரைப்படம் இன்று வெளியாகவிருந்தது. இந்த நிலையில் இந்த படத்தின் முக்கிய காட்சிகள் நேற்றே இணையதளங்களில் வெளியாகி விட்டது.

இது மம்முட்டி ரசிகர்களை அதிர்ச்சியில் ஆழ்த்தி உள்ளது. ‘கிரேட் பாதர்’ படத்தின் தயாரிப்பாளர் ஷாஜி நடேசன் கவனத்திற்கு இது கொண்டு செல்லப்பட்டது. அவர் இதுபற்றி சைபர்கிரைம் போலீசில் புகார் செய்து உள்ளார். போலீசார் எடுத்த உடனடி நடவடிக்கையின் காரணமாக ‘கிரேட் பாதர்’ படத்தின் முக்கிய காட்சிகள் வெளியான இணையதளமான ‘கல்சர் அன்ட் ஆர்ட்’ என்ற இணைய தளம் முடக்கப்பட்டு உள்ளது.