அர்ஜுனின் 150வது படம் ‘நிபுணன்’!

ஆக்ஷன் கிங் அர்ஜூனின் 150வது படம் ‘நிபுணன்’ என இயக்குனர் அருண் வைத்தியநாதன் கூறியுள்ளார்.

அர்ஜூன் நடிக்கும் ‘நிபுணன்’ படத்தை பேஷன் ஸ்டூடியோ சார்பில் அருண் வைத்தியநாதன், மற்றும் நண்பர்களுடன் இணைந்து தயாரிக்கிறார். படத்தில் பிரசன்னா, வரலட்சுமி, சுஹாசினி ஆகியோர் நடித்துள்ளனர். படத்திற்கு அரவிந்த் கிருஷ்ணா ஒளிப்பதிவு செய்துள்ளார், நவீன் இசையமைத்துள்ளார். இந்தப் படத்தின் படப்பிடிப்புகள் வெளிநாட்டில் நடந்து முடிந்திருக்கிறது. தற்போது நிபுணன் படத்தை அர்ஜுனின் 150 படமாக அறிவித்துள்ளார்கள்.

இதுபற்றி இயக்குனரும் தயாரிப்பாளருமான அருண் வைத்தியநாதன் கூறியதாவது: அர்ஜுன் 150 வது படமாக ‘நிபுணன்’ படத்தை அறிவிப்பதில் மகிழ்ச்சியடைகிறோம். இதனை டீஸர் மூலமாக கொண்டாட இருக்கிறோம். பல ஆண்டுகள் நிறைந்த அவரது உன்னத உழைப்பையும், சீரிய முயற்சியையும் நாங்கள் பாராட்ட கடமைப்பட்டு இருக்கிறோம். கற்பனைக்கும் எட்டாத விதத்தில் தன்னுடைய பணியில் அறிவாற்றலினாலும், கடும் உழைப்பினாலும் உயர பறக்கும் ஒரு சாதனையாளனின் கதை தான் நிபுணன்’’ என்கிறார் இயக்குனர் அருண் வைத்தியநாதன்.