நாம் உண்ணும் உணவில் மாற்றமே, நம் ஆரோக்கியத்திற்கான மாற்றம்: கொந்தளித்த ஆரி

நம்முடைய உணவை நாமே உற்பத்தி செய்ய வேண்டிய நிலை தற்போது வந்துவிட்டது என்று நடிகர் ஆரி வருத்தத்துடன் தெரிவித்துள்ளார்.

அன்னையர் தினத்தை முன்னிட்டு பள்ளிகரணையில் உள்ள இதய வாசல் முதியோர் இல்லத்தில் தன் அன்னையின் நினைவாக அவர்களுக்கு மதிய உணவு வழங்கி அவர்களுடன் சேர்ந்து உணவு உட்கொண்டார். அதன் பிறகு இயற்கை உரங்களின் மூலம் காய்கறி தயாரிக்கும் மாடிதோட்ட திட்டத்தையும் அவர் அறிவித்தார்.

இது குறித்து ஆரி கூறுகையில், கடந்த ஆண்டு என் அம்மாவுடன் இருந்தேன். ஆனால், இப்போது என் அம்மா என்னைவிட்டு சென்று விட்டார். தாய் தந்தையை அனாதையாக விட்டு விடாதீர்கள். அவர்கள் நம் பெற்றோர்கள் என்று மறந்துவிடாதீர்கள் என்று பேசினார்.



நாகரீகம் என்ற பெயரில் விருந்தினர்களுக்கு நச்சு கலந்த குளிர்பானங்களை கொடுப்பதை தவிர்க்க வேண்டும். எல்லா உணவு வகைகளிலும் நச்சு பொருட்கள் கலந்துவிட்டது. இதற்கு எதிராக இயற்கை உரங்களின் மூலம் காய்கறிகளை நம் வீட்டு மொட்டை மாடியில் தயாரிக்கும் மாடிதோட்ட திட்டத்தை அன்னையர் தினத்தை முன்னிட்டு அறிவிக்கிறேன் என்று அவர் தெரிவித்துள்ளார்.

இதனை இங்கு வைத்து அறிவிப்பதற்கு முக்கிய காரணம், இருப்பவர்கள் மட்டுமல்லாமல் இல்லாதவர்களுக்கும் ஆரோக்கிய உணவு கிடைக்க வேண்டும் என்பதற்குத் தான். மேலும், சென்னையில் உள்ள அனைத்து முதியோர் மற்றும் ஆதரவற்ற இல்லத்திலும் தொடர்ந்து இந்த திட்டத்தை செயல்படுத்த உள்ளோம் என்று அவர் கூறியுள்ளார்.

மேலும், கீழ்க்கண்ட ஆறு உணவு வகைகளில் மாற்றம் தேவை என்று ஒரு பட்டியல் கொடுத்துள்ளார்.

அதில் பாலீஷ் போட்ட அரிசிக்குப் பதிலாக பட்டை தீட்டாத அரிசியை பயன்படுத்த வேண்டும்

பாக்கெட் பால் முற்றிலும் தவிர்க்கப்பட வேண்டியது. நல்ல இயற்கையான பாலையும், தயிர் மற்றும் மோர் போன்றவற்றையும் பயன்படுத்தலாம்.

வெள்ளை சர்க்கரைக்கு பதிலாக பனங்கற்கண்டு, பனங்கருப்பட்டி, நாட்டு சர்க்கரை, தேன் போன்றவற்றை பயன்படுத்தலாம்.

தூள் உப்பிற்கு பதிலாக கல் உப்பை பயன்படுத்தால் என்று ஒரு பட்டியல் கொடுத்துள்ளார்.

இப்படி நாம் உண்ணும் உணவில் மேற்கொள்ளப்படும் மாற்றமே நம் ஆரோக்கியத்திற்கான மாற்றம் என்று ஆரி தெரிவித்துள்ளார்.