விவேகம் படப்பிடிப்பில் அஜீத்திற்கு காயம் : மறைத்த படக்குழு!

நடிகர் அஜித்துக்கு விவேகம் படத்தின் போது காயம் ஏற்பட்டுள்ள தகவல் தற்போது தெரியவந்துள்ளது.

நடிகர் அஜீத் நடிப்பில் விரைவில் வெளியாகவுள்ள படம் விவேகம். அஜீத்தை வைத்து ஏற்கனவே வீரம், வேதாளம் படங்களை இயக்கிய சிவா இப்படத்தை இயக்கியுள்ளார். ஏற்கனவே முந்தைய படங்களுக்கான படப்பிடிப்பின் போது அஜீத்திற்கு காயம் ஏற்பட்டது. இதற்கு அவர் தோள்பட்டையில் பல அறுவை சிகிச்சைகள் செய்துள்ளார்.

இந்நிலையில், விவேகம் படத்தின் சண்டை காட்சியில் நடித்த போது அவருக்கு தோள்பட்டையில் காயம் ஏற்பட்டுள்ளது. ஆனால், அவரது ரசிகர்கள் அதிர்ச்சியடைவார்கள் என்ற காரணத்தினால், இந்த விஷயத்தை படக்குழு வெளியிடவில்லை.

விவேகம் படத்தின் வேலைகளை முடித்துக்கொடுத்த அஜீத், தற்போது ஒரு அறுவை சிகிச்சை செய்து கொண்டார். இதனால் அடுத்த 8 மாதங்களுக்கு அவர் எந்த படப்பிடிப்பிலும் கலந்து கொள்ள மாட்டார் என தெரிகிறது.