பான் இந்தியா படத்தில் அஜித்: வெளியான மரண மாஸ் தகவல்.!

சுதா கொங்கரா இயக்கத்தில் சூர்யா நடிப்பில் கடந்த 2020 ஆம் ஆண்டு ஓடிடியில் வெளியான படம் 'சூரரைப் போற்று'. இந்தியாவில் முதல் பட்ஜெட் விமான பயணத்தை உருவாக்கிய ஜி.ஆர்.கோபிநாத்தின் வாழ்க்கை வரலாற்றைத் தழுவி எடுக்கப்பட்ட இந்த படத்தை சுதா கொங்கரா இயக்கியிருந்தார்.

கடந்த 2020 ஆம் ஆண்டு நவம்பர் மாதம் சூர்யா, அபர்ணா பாலமுரளி நடிப்பில் அமேசான் ப்ரைம் ஓடிடி தளத்தில் வெளியான 'சூரரைப் போற்று' படம் ரசிகர்கள் மத்தியில் மாபெரும் வரவேற்பைப் பெற்றது. ஜிவி பிரகாஷ் குமார் இசையமைத்திருந்த இந்தப்படத்தை பல்வேறு திரையுலக பிரபலங்களும் பார்த்து பாராட்டினார்கள். சூர்யாவின் கம்பேக்காக இந்தப்படம் ரசிகர்களால் கொண்டாடப்பட்டது.

இந்நிலையில் கடந்த சில தினங்களுக்கு முன்பாக சுதா கொங்கராவின் புதிய படம் குறித்த அதிகாரப்பூர்வ அறிவிப்பு வெளியானது. இது தொடர்பான அறிவிப்பில், 'சில உண்மை கதைகள் சொல்லப்பட தகுதியானவை, சரியாகவும் சொல்லப்பட வேண்டும். ஹோம்பலே பிலிம்ஸ் நிறுவனத்தில், இயக்குநர் சுதா கொங்கராவுடன் எங்களின் அடுத்த படத்தை அறிவிப்பதில் பெருமிதம் கொள்கிறோம்.

இளையராஜாவை வைத்து உடைக்கும் முயற்சி: இயக்குனர் பா. ரஞ்சித் பரபரப்பு குற்றச்சாட்டு.!
எங்களின் எல்லாப் படங்களைப் போலவே இதுவும் இந்தியாவின் கற்பனையை ஈர்க்கும் என்று நாங்கள் உறுதியாக நம்புகின்ற ஒரு கதை' என்று தெரிவித்துள்ளனர். இந்நிலையில் இந்தப்படத்தில் அஜித்குமார் நடிக்கவுள்ளதாக தகவல்கள் வெளியாகியுள்ளன. ஏற்கனவே சுதா கொங்கராவிடம், அஜித் கதை கேட்டு ஒகே பண்ணியதாக கூறப்பட்டது.

வலிமையை தொடர்ந்து ‘ஏகே 61’ படத்தில் மூன்றாவது முறையாக வினோத், போனி கபூர், அஜித் மூவரும் இணைந்துள்ளனர். இதனை தொடர்ந்து லைகா தயாரிப்பில் விக்னேஷ் சிவன் இயக்கத்தில் ‘ஏகே 62’ படத்தில் நடிக்கவுள்ளார் அஜித். இந்நிலையில் 'கேஜிஎஃப்' பட தயாரிப்பு நிறுவன பேனரில் சுதா கொங்கரா இயக்கத்தில் பான் இந்தியா படத்தில் அஜித் நடிக்கவுள்ளதாக வெளியாகியுள்ள தகவல் ரசிகர்கள் மத்தியில் மிகப்பெரிய எதிர்பார்ப்பினை கிளப்பியுள்ளது.