அஜித், விஜய்யின் திரைப்படங்கள் ஒரே நாளில் ரீ-ரிலீஸ்!

கொரோனா லாக்டவுன் காரணமாக கடந்த மார்ச் மாதம் திரையரங்குகள் மூடப்பட்டன. சுமார் 9 மாதங்களாக மூடப்பட்டிருந்த திரையரங்குகள், கடந்த நவம்பர் மாதம் மீண்டும் திறக்கப்பட்டு 50 சதவீத இருக்கைகளுடன் இயங்க அனுமதிக்கப்பட்டது. இதனால் மக்களை திரையரங்குகளுக்கு வர வழைக்க பழைய படங்களை ரீ- ரிலீஸ் செய்து வருகிறனர். அந்த வகையில் கடந்த டிசம்பர் 31ஆம் தேதி 'ஆயிரத்தில் ஒருவன்', 'புதுப்பேட்டை' ஆகிய படங்கள் ரீ- ரிலீஸ் செய்யப்பட்டன. இருப்பினும் பழைய படி மக்கள் வருவதில்லை என கூறப்பட்டு வருகிறது.

இதே நிலை கடந்த இரண்டு மாதங்களாக நீடித்து வந்த நிலையில், கடந்த சில தினங்களுக்கு முன்பு 100 சதவீத இருக்கைகளுடன் திரையரங்குகள் இயங்க அரசு அனுமதி அளித்து உத்தரவிட்டது. இதனால், வருகிற ஜனவரி 8ஆம் தேதி விஜய் நடித்த 'தலைவா' படமும், அஜித் நடித்த 'என்னை அறிந்தால்' படங்களையும் ரீ-ரிலீஸ் செய்ய உள்ளனர்.

விஜய் சேதுபதியை பார்த்து நிவேதா பெத்துராஜுக்கு வந்த வினோத ஆசை
தலைவா படம் 2013 இல் வெளிவந்த இந்திய தமிழ்த் திரைப்படம். ஏ. எல். விஜய் இயக்கத்தில், சந்திர பிரகாஷ் ஜெயின் இப்படத்தை தயாரித்துள்ளார். இப்படத்தில் கதாநாயகனாக நடிகர் விஜய்யும், அவருக்கு இணையாக அமலா பாலும் நடித்துள்ளார். மேலும் இப்படத்தில் முக்கிய கதாபாத்திரத்தில் சத்தியராஜும் மலையாள நடிகர் ராஜீவ் பிள்ளையும் நடித்துள்ளனர்.

இப்படத்திற்கு இசை மற்றும் பின்னணி ஜி வி பிரகாஷ் இசையமைத்திருக்கிறார் என்பது குறிப்பிடத்தக்கது. என்னை அறிந்தால் படம் 2015இல் வெளியானது. இயக்குனர் கௌதம் மேனன் இயக்கத்தில் அஜித், அருண் விஜய், அனுஷ்கா மற்றும் த்ரிஷா, நாசர் ஆகியோர் நடித்துள்ளார்கள்.

அதிரடி முடிவு எடுத்த சிம்பு: அரசியலுக்கு வரப் போறாரா?
இந்தப் படம் அஜித்தின் 55 வது படம் என்பது குறிப்பிடத்தக்கது. இந்த இரண்டு திரை படங்களையும் முன்பு திரையரங்குகளில் பார்க்க தவறிய ரசிகர்கள் இப்பொழுது பார்த்து ரசிக்க, ஒரு நல்ல வாய்ப்பாக அமையும்.