பிரபல நகைச்சுவை நடிகர் கவலைக்கிடம்: துயரத்தில் அவரது மனைவி!

பிரபல நகைச்சுவை நடிகர் அல்வா வாசு மதுரை மருத்துவனையில் சிகிச்சை பெற்று வந்த நிலையில், தற்போது அவர் கவலைக்கிடமாக உள்ளார்.

தமிழ் சினிமாவில் நகைச்சுவை மற்றும் குணச்சித்திர வேடங்களில் 900 படங்களுக்கு மேல் நடித்துள்ளார். இயக்குனர் மணிவண்ணனிடம் உதவி இயக்குனராக பணியாற்றி அதன் பிறகு நடிகராக மாறியுள்ளார். ரஜினிகாந்த் நடித்த அருணாச்சலம், சிவாஜி, அமைதிப்படை, உனக்காக எல்லாம் உனக்காக, திமிரு, ஜில்லுனு ஒரு காதல், ஆடுகளம், ஐயா உள்பட பல படங்களில் நடித்துள்ளார். இந்நிலையில், கடந்த 6 மாதங்களுக்கு மேலாக, கல்லீரல் பாதிப்பு ஏற்பட்டு மதுரை மீனாட்சி மிஷன் மருத்துவமனையில் சிகிச்சை பெற்று வந்துள்ளார்.



இந்த நிலையில், அவர் மிகவும் கவலைக்கிடமாக உள்ளதாகவும், இனி சிகிச்சை அளிக்க முடியாது எனவும், விரைவில் அவரது உயிர் பிரிந்து விடும். அதனால், அவரை வீட்டுக்கு அழைத்து செல்லலாம் என்று மருத்துவர்கள் கூறியுள்ளதாக அவரது மனைவி அமுதா தெரிவித்துள்ளார். இவர்களுக்கு கிருஷ்ண ஜெயந்திகா என்ற ஒரு மகள் உள்ளார்.