‘மாரி 2’ படத்தில் தனுஷுடன் இணைந்த பிரபுதேவா!!

நடிகர் தனுஷ் நடித்து வரும் ‘மாரி 2’ படத்தில், நடிகர் பிரபுதேவா ஒரு பாடலுக்கு நடனம் அமைக்க உள்ளார்.

பாலாஜி மோகன் இயக்கத்தில் கடந்த சில வருடங்களுக்கு முன் வெளியான திரைப்படம் ‘மாரி’. படம் வசூல் ரீதியாக வெற்றி பெறவில்லை என்றாலும், தமிழ் சினிமாவில் ஒரு டிரென்ட் செட்டிங் படமாக அமைந்தது. அதற்கு, இந்தப் படத்தில் இடம்பெற்ற பாடல்களும் மிக முக்கிய காரணம் என கூறலாம்.

இதையடுத்து, இந்தப் படத்தின் இரண்டாம் பாகம் தற்போது உருவாகி வருகிரது. முதல் பாகத்தை இயக்கிய பாலாஜி மோகனே இந்தப் படத்தையும் இயக்குகிறார். இப்படத்தில், நடிகர் தனுஷுடன் டோவினோ தாமஸ், கிருஷ்ணா, சாய்பல்லவி, வரலட்சுமி சரத்குமார், ரோபோ சங்கர் உள்ளிட்டோர் நடித்து வருகின்றனர், யுவன் சங்கர் ராஜா இசையமைத்து வருகிறார்.

இந்நிலையில், இப்படத்தின் ஒரு பாடலுக்கு நடிகரும் நடன இயக்குனருமான பிரபுதேவா, நடனம் அமைக்க உள்ளார். இதுகுறித்து ட்விட்டரில் பதிவிட்டுள்ள நடிகர் தனுஷ், “நம் நாட்டில் நடனம் பரிணாம வளர்ச்சி அடைந்ததற்கு காரணமாக இருந்த பிரபுதேவா, எங்களின் மாரி 2 படத்திற்கு நடனம் அமைக்க உள்ளார் என்பதை தெரிவிப்பதில் மிகவும் பெருமை கொள்கிறேன். அவரின் மேஜிக்கைப் பார்த்து நான் வளர்ந்தவன்..என்ன ஒரு தருணம். நன்றி சார்” என்று தெரிவித்துள்ளார்.