அர்ஜுன் - ஐஸ்வர்யா ராஜேஷ் இணையும் க்ரைம் த்ரில்லர் படம்: படப்பிடிப்பு துவக்கம்!

ஓடிடி தளத்தில் வெளியான திட்டம் இரண்டு, பூமிகா படங்களை தொடர்ந்து நடிகை ஐஸ்வர்யா ராஜேஷ், பிரபுதேவாவின் புதிய படத்தில் நடித்து வருகிறார். இந்நிலையில், நடிகர் அர்ஜுனுடன் இணையும் புதிய க்ரைம் த்ரில்லர் படத்திலும் நடிக்க ஒப்பந்தமாகியுள்ளார். இந்தப்படத்தின் படப்பிடிப்பு பூஜையுடன் துவங்கி இருக்கிறது.

ஆக்‌ஷன், க்ரைம் படங்களுக்கு பெயர் பெற்றவர். அர்ஜுன் அவர் நடித்த க்ரைம் ஆக்‌ஷன். அவரது தொடர் திரில்லர் படங்களின் வெற்றிகளை தொடர்ந்து, புதிதாக மீண்டும் ஒரு வித்தியாசமான க்ரைம் திரில்லர் படத்தில் நடிக்கவுள்ளார். நடிகை ஐஸ்வர்யா ராஜேஷ் இப்படத்தில் நாயகியாக நடிக்கிறார்.

இந்தப்படம் குறித்து GS ARTS தயாரிப்பாளர் G. அருள் குமார் கூறும்போது, இது ஒரு க்ரைம் -த்ரில்லர் இன்வெஸ்டிகேஷன் கதை, ஆக்‌ஷன் கிங் அர்ஜுன் இப்படத்தில் விசாரணை அதிகாரியாக நடிக்கிறார். இது மன இறுக்கம் கொண்ட ஆட்டிஸ்டிக் குழந்தைகளின் பின்னணியில் ஒரு பெண் கதாப்பாத்திரத்தை மையமாக கொண்ட திரைப்படம். இந்த படத்தில் ஐஸ்வர்யா ராஜேஷ் முதன்மை பெண் கதாபாத்திரத்தில் நடிக்கிறார், அவரது கதாபாத்திரத்திம் படத்தில் மிகவும் முக்கியத்துவம் மிகுந்த கதாப்பாத்திரமாகும்.

டெட்பாடியாக நடிக்க டவுட் கேட்ட பிரபல நடிகை: பங்கமாய் கலாய்த்த மிர்ச்சி சிவா!
இயக்குனர் தினேஷ் லக்ஷ்மணன் திரைக்கதையை முதன்முதலில் விவரித்தபோது, நான் பார்வையாளராக மிகவும் ரசித்தேன். திரையரங்குகளில் இப்படத்தை பார்க்கும் பார்வையாளர்களுக்கு, நீண்ட காலத்திற்குப் பிறகு க்ரைம்-த்ரில்லர் இன்வெஸ்டிகேஷன் வகைகளில் ஒரு புதிய அனுபவத்தை இப்படம் தரும். நடிகர் அர்ஜுன் இந்த வகையைச் சேர்ந்த படங்களில் அதிகம் நடித்திருந்தாலும், இந்தப்படம் அதிலிருந்து மாறுபட்டு, தனித்துவமாகவும் வித்தியாசமாகவும் இருக்கும் என்று தெரிவித்துள்ளார்.

இயக்குநர் தினேஷ் லக்ஷ்மணன் எழுதி இயக்கியுள்ள இந்தப் படத்தை, GS ARTS சார்பில் தயாரிப்பாளர் G. அருள் குமார் தயாரிக்கிறார். சரவணன் அபிமன்யு ஒளிப்பதிவு செய்யும் இந்தப்படத்திற்கு பரத் ஆசீவகன் இசையமைக்கிறார். ஆக்ஷன் கிங் அர்ஜுன், ஐஸ்வர்யா ராஜேஷ், பிரவீன் ராஜா, பிராங்க்ஸ்டர் ராகுல், அபிராமி வெங்கடாசலம் மற்றும் இன்னும் பல முக்கிய பிரபலங்கள் இந்தப்படத்தில் நடிக்க உள்ளது குறிப்பிடத்தக்கது.