சக்தி சௌந்தர்ராஜனுடன் மீண்டும் இணையும் ஆர்யா: ஆனா டெடி பார்ட் 2 இல்லையாம்!

கடந்த சில மாதங்களுக்கு முன்பாக சக்தி செளந்தர்ராஜன் இயக்கத்தில் ஆர்யா நடிப்பில் டெடி திரைப்படம் வெளியானது. ஓடிடியில் வெளியான இந்த திரைப்படம் ரசிகர்கள் மத்தியில் நல்ல வரவேற்ப்பை பெற்றது. இந்நிலையில் ஆர்யா மீண்டும் சக்தி சௌந்தர்ராஜன் இயக்கத்தில் ஒரு திரைப்படத்தில் நடிக்க ஒப்பந்தமாகி இருப்பதாக செய்திகள் வெளியாகி உள்ளன.

ஏற்கனவே சக்தி செளந்தர்ராஜன் இயக்கத்தில் வெளியான நாணயம், நாய்கள் ஜாக்கிரதை, டிக்டிக்டிக் உள்ளிட்ட திரைப்படங்கள் வித்தியாசமான திரைக்கதையால் ரசிகர்கள் மத்தியில் அமோக வரவேற்பை பெற்றது. இதனிடையில் ஆர்யா, சாயிஷா நடிப்பில் ஓடிடி வெளியீடாக ஹாட் ஸ்டாரில் வெளியான டெடி திரைப்படமும் சக்தி சௌந்தர்ராஜனின் வித்தியாசமான திரைக்கதை அமைப்பால் விமர்சனரீதியாக வரவேற்பை பெற்றது.

இந்நிலையில் சக்தி சௌந்தர்ராஜன் இயக்கத்தில் ஆர்யா மீண்டும் நடிக்கவுள்ள திரைப்படம் டெடி திரைப்படத்தின் இரண்டாம் பாகமாக இருக்கும் என்ற செய்திகள் வெளியாகின. ஆனால் அண்மையில் பேட்டி ஒன்றில் நடிகர் ஆர்யா பேசும் போது, இயக்குனர் சக்தி செளந்திரராஜன் இயக்கத்தில் மீண்டும் தான் நடிக்கும் திரைப்படம் ‘டெடி’ படத்தின் இரண்டாம் பாகமாக இருக்காது என்றும் இது ஒரு புதிய திரைக்கதை என்றும் முழுக்க முழுக்க தமிழ் சினிமாவுக்கு புதிதாக இந்த கதை இருக்கும் என்றும் இந்த படம் ஆக்ஷன் திரில்லர் படமாக இருக்கும் என்றும் தெரிவித்திருந்தார்.

ஓடிடிக்கு சென்ற சந்தானத்தின் சபாபதி: வெளியான புதிய தகவல்..!
ஏற்கனவே நடிகர் ஆர்யா, இயக்குனர் சாந்தகுமார் இயக்கத்தில் ஒரு திரைப்படத்தில் நடிக்க உள்ளார். இவர்கள் இருவரின் கூட்டணியில் ஏற்கனவே மகாமுனி திரைப்படம் வெளியானது குறிப்பிடத்தக்கது. இதனிடையில் பா ரஞ்சித் இயக்கத்தில் ஆர்யா நடித்து முடித்துள்ள 'சார்பாட்டா பரம்பரை' திரைப்படம் மிக விரைவில் வெளியாகவுள்ளது. இதுதவிர நலன் குமாரசாமி இயக்கத்திலும் ஒரு படத்தில் நடிக்கவுள்ளார் ஆர்யா.