அஜித் படத்தைப் பார்த்து ஆழ்வாராக மாறிய நடிகர் அதர்வா!

தல அஜிததுக்கு கோலிவுட்டில் ஏராளமான ரசிகர்கள் உள்ளனர். தற்போது அவர் நடிப்பில் வெளியான ‘விஸ்வாசம்’ சக்கை போடு போட்டு வருகிறது. இவரின் படம் திரைக்கு வரும் நாட்களை ரசிகர்கள் திருவிழா போல் கொண்டாடி வருகின்றனர்.

இந்நிலையில் நடிகர் அஜித் நடிப்பில் வெளியான படங்களில் ஒன்று ‘ஆழ்வார்’. மேலும் இந்த படம் கடந்த 2007 ஆண்டு வெளியானது. இந்த படத்தை இயக்குநர் ஷெல்லா இயக்கியிருந்தார். இப்படத்தில் அஜித் மருத்துவமனையில் பணியாற்றும் வார்ட் பாய்யாக நடித்திருப்பார்.

இந்நிலையில் நடிகர் அதர்வா தற்போது ‘குருதி ஆட்டம்‘ படத்தில் நடித்து வருகிறார். படத்தை இயக்குனர் ஸ்ரீ கணேஷ் இயக்கி வருகிறார். இந்தப் படத்தில் நடிகர் அதர்வா, மருத்துவமனை வார்ட் பாய் கேரக்டரில் நடித்துள்ளதாக தற்போது தகவல்கள் வெளியாகியுள்ளது. மேலும் ‘குருதி ஆட்டம்‘ படத்தில் நடிகர் அதர்வா, அஜித் ரசிகராக நடித்துள்ளதாக பலரும் கூறி வருகின்றனர்.

எனவே தான் நடிகர் அதர்வா, அஜித் நடித்த ‘ஆழ்வார்’ படத்தில் உள்ள கேரக்டரை தேர்வு செய்துள்ளதாக தகவல்கள் வெளியாகியுள்ளது.