Vikram: மருமகனை ஹீரோவாக்கிய சியான் விக்ரம்: ஜோடி யார் தெரியுமா?

இயக்குனர் விஜய் ஸ்ரீ ஜியின் இயக்கத்தில் சாருஹாசன், கீர்த்தி சுரேஷின் பாட்டி சரோஜா, ஜனகராஜ் ஆகியோர் பலர் நடிப்பில் வந்த படம் தாதா 87. இப்படத்தைத் தொடர்ந்து விஜய் ஸ்ரீ ஜியின் இயக்கத்தில் அம்சவர்தன் தயாரித்து நடித்துள்ள படம் பீட்ரு.

இப்படம் முடிவடையும் நிலையில் உள்ளது. இப்படத்தைத் தொடர்ந்து விஜய் ஸ்ரீ ஜி பொல்லாத உலகில் பயங்கர கேம் என்ற நகைச்சுவை திரில்லர் படத்தை இயக்குகிறார். இப்படத்தில் பிக்பாஸ் புகழ் ஐஸ்வர்யா தத்தா, ஜூலி மற்றும் மொட்ட ராஜேந்திரன் உள்ளிட்ட பலர் நடிக்கின்றனர்.

மேலும் இப்படத்தில் சியான் விக்ரமின் தங்கை அனிதாவின் மகன் அர்ஜுமன் ஹீரோவாக அறிமுகமாகிறார். இது குறித்து கூறுகையில், "எனக்கு பிஆர்ஓ நிகில் முருகன் அர்ஜுமனை அறிமுகம் செய்தார். அர்ஜுமன் நடிகர் சியான் விக்ரமின் தங்கை மகன். அர்ஜுமனுக்கு நடிப்பில் உள்ள ஆர்வத்தால், நடிப்பு, நடனம், சண்டை ஆகியவற்றை முறைப்படி கற்றுக் கொண்டவர்.

மேலும் படிக்க: நான் மொரட்டு சிங்கிள், எனக்கு கல்யாணம் இல்லை: பிரேம்ஜி!

இதையும் படிங்க: 25 சதவீத கல்லீரலுடன் தான் உயிர் வாழ்ந்து வருகிறேன்: அமிதாப் பச்சன்!

Also Read This: பலமான காரணத்துக்காக போராடுபவன் வீரன்: கிச்சா சுதீப்பின் பயில்வான் டிரைலர்!

உண்மையில் அவரது தோற்றம் குறிப்பாக சிகை அலங்காரத்தை பார்த்த போது தான், அவர் இந்த கதாபாத்திரத்திற்கு சரியானவர் என்பதை முடிவு செய்தேன். ஆதலால், அவரை ஹீரோவாக அறிமுகப்படுத்துகிறேன் என்றார்.

ஏற்கனவே இப்படத்தின் முதல்கட்ட படப்பிடிப்பு முடிக்கப்பட்ட நிலையில், 2ம் கட்ட படப்பிடிப்பு வரும் செப்டம்பர் மாதம் விநாயகர் சதுர்த்தி முதல் தொடங்கப்பட இருக்கிறது. இதில், அர்ஜுமன், ஐஸ்வர்யா தத்தா மற்றும் மொட்ட ராஜேந்திரன் ஆகியோர் தொடர்பான காட்சிகள் படமாக்கப்பட இருக்கிறது. திருச்சி மற்றும் கோவாவில் இப்படத்தின் படப்பிடிப்பு நடக்க இருக்கிறது.


படத்தை GDR நிறுவனம் பெரும் பொருட்செலவில் தயாரிக்க தீபன் சக்கரவர்த்தி இசையமைக்கிறார். பாலாஜி பாஸ்கரன் ஒளிப்பதிவு செய்ய, மக்கள் தொடர்பு வேலைகளை நிகில் முருகன் கவனிக்கிறார் என்பது குறிப்பிடத்தக்கது.

இதற்கு முன்னதாக விக்ரம் தனது மகன் துருவ் விக்ரமை ஆதித்யா வர்மா என்ற படத்தின் மூலம் அறிமுகம் செய்துள்ளார். இப்படம் விரைவில் வெளியாக உள்ளது என்பது குறிப்பிடத்தக்கது.