சிம்புவுக்கு பார்த்துள்ள பெண் யார்? எப்போது கல்யாணம் என்று எனக்கு தெரியும்: நடிகர் கூல் சுரேஷ்!

நடிகர் சிம்புவிற்கு பார்த்துள்ள பெண் யார் என்றும், எப்போது கல்யாணம் என்று எனக்கு தெரியும் என்று நடிகர் கூல் சுரேஷ் தெரிவித்துள்ளார்.

நடிகரும், இயக்குனருமான டி ராஜேந்திரனின் இளைய மகன் குறளரசனுக்கு அண்மையில் திருமணம் நடந்து முடிந்தது. இவர், நபீலா அகமது என்ற பெண்ணை திருமணம் செய்து கொண்டார். மிகவும் எளிமையான முறையில் இவர்களது திருமணம் நடந்தது. இதையடுத்து, அடுத்த டார்க்கெட் சிம்புவின் பக்கம் திரும்பியது. அனைவரும், சிம்புவின் திருமணம் எப்போது என்று கேள்வி எழுப்பத் தொடங்கினர். சிம்புவிற்கு தற்போது 36 வயதாகிறது. இந்த நிலையில், சிம்புவிற்கு பெண் பாத்துட்டாங்களா? எப்போது திருமணம் என்று பலரும் கேள்வி எழுப்பி வந்த நிலையில், நடிகர் கூல் சுரேஷ் இது குறித்து ரகசியத்தை வெளியிட்டுள்ளார்.

அந்த நிமிடம் பட விழாவில் கலந்து கொண்ட கூல் சுரேஷ், சிம்புவிற்கு விரைவில் திருமணம் நடக்க இருக்கிறது. அவருக்கு பார்த்துள்ள பெண் யார்? எப்போது திருமணம் என்று எனக்கு தெரியும். இது குறித்து கேள்வி கேட்டு யாரும் டி ராஜேந்தரை தொந்தரவு செய்ய வேண்டாம் என்று கூறியுள்ளார்.

கூல் சுரேஷ், சிம்புவுடன் இணைந்து பல படங்களில் நடித்துள்ளார். சிம்புவின் நெருங்கிய நண்பரும் கூட. டி ராஜேந்தர் நடத்தி வரும் அரசியல் கட்சியிலும் முக்கியமான ஒரு பொறுப்பில் இருக்கிறார் என்பது குறிப்பிடத்தக்கது.