Dhanush: 'தனுஷ் 50' படத்தில் இந்த நடிகையா.?: இதென்ன புது ட்விஸ்ட்.!

தமிழ் சினிமாவில் பிசியான நடிகராக வலம் வருபவர் தனுஷ். நடிப்பதோடு மட்டும் இல்லாமல் இயக்கம், பாடல்கள் எழுதுவது என திரைத்துறையில் பல் தளங்களில் கலக்கி வருகிறார். இந்நிலையில் நீண்ட இடைவெளிக்கு பிறகு மீண்டும் இயக்கத்தில் இறங்கியுள்ளார் தனுஷ்.

தமிழ் மட்டுமல்லாமல் பாலிவுட், கோலிவுட், டோலிவுட் என பிற மொழி படங்களிலும் கலக்கி வருகிறார் தனுஷ். கடந்த ஆண்டு தனுஷ் நடிப்பில் திருச்சிற்றம்பலம், நானே வருவேன் படங்கள் வெளியானது. இதில் மித்ரன் ஜவஹர் இயக்கத்தில் பாரதிராஜா, பிரகாஷ் ராஜ், நித்யா மேனன் உள்ளிட்ட பலர் நடிப்பில் பேமிலி டிராமா படமாக வெளியான 'திருச்சிற்றம்பலம்' 100 கோடியை கடந்து வசூல் சாதனை செய்தது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இதனையடுத்து தனது அண்ணன் செல்வராகவன் இயக்கத்தில் ‘நானே வருவேன்’ படத்தில் நடித்தார் தனுஷ். கிட்டத்தட்ட பத்து ஆண்டுகளுக்கு பிறகு தனுஷ், செல்வராகவன், யுவன் ஒரே படத்தில் இணைந்தது ரசிகர்கள் மத்தியில் உச்சக்கட்ட எதிர்பாப்பினை கிளப்பியது. 'பொன்னியின் செல்வன்' படத்திற்கு போட்டியாக வெளியான 'நானே வருவேன்' படம் ரசிகர்கள் மத்தியில் எதிர்பார்த்த வெற்றியை பெறவில்லை.

தனுஷ் தற்போது அருண் மாதேஸ்வரன் இயக்கத்தில் ‘கேப்டன் மில்லர்’ படத்தில் நடித்து வருகிறார். ராக்கி, சாணிக்காயிதம் போன்ற ராவான படங்களை இயக்கிய அருணுடன் முதன்முறையாக தனுஷ் இணைந்துள்ளார். ஜிவி பிரகாஷ் இசையமைக்கும் இந்தப்படத்தில் பிரியங்கா அருள் மோகன், சந்தீப் கிஷன், நிவேதிதா சதீஷ், ஜான் கொக்கன் உள்ளிட்டோர் நடிக்கின்றனர்.

Ajith Kumar: 'ஏகே 62' படத்தில் இதெல்லாம் கண்டிப்பா இருக்கும்: வெளியான கொலமாஸ் தகவல்.!

இந்நிலையில் கடந்த சில தினங்களுக்கு முன்பாக தனுஷின் 50 வது படத்தை சன் பிக்சர்ஸ் நிறுவனம் தயாரிக்கவுள்ளதாக போஸ்டர் வெளியிட்டு அறிவித்திருந்தது. 'திருச்சிற்றம்பலம்' படத்தின் பிரம்மாண்ட வெற்றிக்கு பிறகு மீண்டும் சன் பிக்சர்ஸ் நிறுவனத்துடன் இணைந்துள்ளார் தனுஷ். மேலும் இந்தப்படத்தை தனுஷே இயக்கவுள்ளதாகவும் கூறப்படுகிறது.


இந்நிலையில் லேட்டஸ்ட் தகவலாக இந்தப்படத்தில் துஷாரா விஜயன் நடிக்கவுள்ளதாக தகவல்கள் வெளியாகியுள்ளன. பா. ரஞ்சித்தின் 'சார்பட்டா பரம்பரை' படத்தின் மூலம் பிரபலமான இவர் இரண்டாவது முறையாக ரஞ்சித் இயக்கத்தில் 'நட்சத்திரம் நகர்கிறது' படத்தில் ரெனே கதாபாத்திரத்தில் நடித்திருந்தார். இவர் தற்போது தனுஷ் 50 படத்தில் நடிக்கவுள்ளதாக வெளியாகியுள்ள தகவல் ரசிகர்கள் மத்தியில் எதிர்பார்ப்பை கிளப்பியுள்ளது.

Captain Miller: அடேங்கப்பா.. தனுஷ் தீயா இருக்காரே: 'கேப்டன் மில்லர்' படத்தின் தாறுமாறு அப்டேட்.!