Dhanush: நல்ல சேதி சொன்ன தனுஷ்.. இதுக்காக தானே இத்தனை நாளா வெயிட்டிங்.!

'மாறன்' படத்தை தொடர்ந்து தற்போது சன் பிக்சர்ஸ் தயாரிப்பில் மித்ரன் ஜவஹர் இயக்கத்தில் 'திருச்சிற்றம்பலம்’ படத்தில் நடித்து முடித்துள்ளார் தனுஷ். இதன் படப்பிடிப்பு கடந்த வருடம் சென்னையில் துவங்கியது. இந்நிலையில் இந்தப்படத்தின் புதிய அப்டேட்டை படக்குழுவினர் தற்போது வெளியிட்டுள்ளனர்..

நடிகர் தனுஷ், மாளவிகா மோகனன் இருவரின் நடிப்பில் உருவான படம் மாறன். கார்த்திக் நரேன் இயக்கிய இந்தப்படம் டிஸ்னி பிளஸ் ஹாட்ஸ்டார் ஓடிடி தளத்தில் நேரடியாக வெளியானது. ரசிகர்களின் மிகப்பெரிய எதிர்பார்ப்பிற்கு மத்தியில் வெளியான இந்தப்படம் ஏகப்பட்ட நெகட்டிவ் விமர்சங்களை குவித்தது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

மாறன் படத்தை தொடர்ந்து மித்ரன் ஜவஹர் இயக்கத்தில் திருச்சிற்றம்பலம் படத்தில் நடிக்க ஒப்பந்தமானார் தனுஷ். ஏற்கனவே, இவர் இயக்கத்தில் யாரடி நீ மோகினி, குட்டி, உத்தமபுத்திரன் உள்ளிட்டப் படங்களில் தனுஷ் நடித்துள்ளார். சன் பிக்சர்ஸ் தயாரிக்கும் திருச்சிற்றம்பலம் படத்தில் பாரதி ராஜா, பிரகாஷ் ராஜ், கென் கருணாஸ் உள்ளிட்டோர் முக்கிய கதாபாத்திரத்தில் நடிக்கின்றனர்.

சன் பிக்சர்ஸ் தயாரிக்கும் இந்த படம் குறித்து எந்த அப்டேட்யும் வெளியாகததால் கடுப்பில் இருந்தனர் ரசிகர்கள். தொடர்ந்து சமூக வலைத்தளங்களில் திருச்சிற்றம்பலம் அப்டேட் கேட்டு டிரெண்ட் செய்து வந்தனர் ரசிகர்கள். இந்நிலையில் இந்தப்படத்தில் நடிக்கும் கதாபாத்திரங்களை நாளை அறிமுகம் செய்யவுள்ளதாக படக்குழுவினர் அதிகாரப்பூர்வமாக அறிவித்துள்ளனர்.

‘டான்’ படத்தில் நடிக்க மறுத்த உதயண்ணா: அதுக்கு அவர் சொன்ன காரணத்தை பாருங்க.!
இந்த செய்தி தனுஷ் ரசிகர்கள் மத்தியில் குஷியை ஏற்படுத்தியுள்ளது. இந்தப்படத்தில் தனுஷ் ஜோடியாக ப்ரியா பவானி சங்கர், ராஷி கண்ணா, நித்யாமேனன் உள்ளிட்ட நான்கு கதாநாயகிகள் நடிக்கவுள்ளனர். நீண்ட இடைவேளைக்கு பின் தனுஷ், அனிருத் கூட்டணி இந்த படத்தில் இணைந்து பணிபுரிந்துள்ளதுள்ளனர். தனுஷ் தற்போது தனது அண்ணன் செல்வராகவன் இயக்கத்தில் 'நானே வருவேன்' படத்தில் நடித்து முடித்துள்ளார் என்பது குறிப்பிடத்தக்கது.