அவென்ஜர்ஸ் குழுவோடு ஹாலிவுட்டில் தனுஷ் - குவியும் பாராட்டு!

தமிழ் சினிமாவின் உச்சத்தில் இருந்து பாலிவுட், ஹாலிவுட் என சிகரம் தொடும் தனுஷ் மீண்டும் பிரம்மாண்டமான ஹாலிவுட் படத்தில் இணைந்திருக்கிறார். இதுகுறித்த அதிகாரப்பூர்வ அறிவிப்பை நெட்பிளிக்ஸ் நிறுவனம் வெளியிட்டு இருக்கிறது.

கிரே மேன் நாவலை தழுவி நெட்பிளிக்ஸ் நிறுவனம் தயாரிக்கும் 'தி கிரே மேன்' ஹாலிவுட் படத்தில் தற்போது தனுஷ் இணைந்திருக்கிறார். இதனை அவென்ஜர்ஸ் பட இயக்குநர்களான ஆண்டனி, ஜோ ரூஸோ சகோதரர்கள் இயக்குகின்றனர்.

'மாஸ்டர்' தெலுங்கு டீஸர் - அதிருப்தியில் தெலுங்கு ரசிகர்கள்!

தனுஷுடன் ரியான் கோஸ்லிங், கிறிஸ் இவான்ஸ், வாக்னர் மோரா, அனா டி ஆர்மஸ் ஜெசிக்கா ஹென்விக், ஜுலியா பட்டர்ஸ் உள்ளிட்டவர்கள் இப்படத்தில் நடிக்கின்றனர். ஏற்கெனவே ' தி எக்ஸ்ட்ரார்டினரி ஜர்னி ஆஃப் தி பகிர்' எனும் வெளிநாட்டு படத்தில் தனுஷ் நடித்திருக்கிறார்.

தமிழில் ஜகமே தந்திரம், கர்ணன் உள்ளிட்ட படங்களில் நடித்திருக்கும் தனுஷ் பாலிவுட்டில் அத்ராங்கி ரே படத்தில் நடிக்கிறார். இதோடு பிரம்மாண்ட கூட்டணியோடு தனுஷ் ஹாலிவுட்டில் களமிறங்கியுள்ளதால் திரைத்துறையினர், ரசிகர்கள் தொடர்ந்து அவருக்கு வாழ்த்து தெரிவித்து வருகின்றனர்.