Dhanush: நம்ப தனுஷிற்கே இந்த நிலைமையா ? அடக்கொடுமையே..!.
தனுஷின் வாத்தி திரைப்படம் சில காரணங்களால் ஒத்திவைக்கப்பட்டுள்ளது
தனுஷ்
தமிழ் சினிமாவில் முன்னணி நடிகர்களில் ஒருவராக வலம் வருபவர் தனுஷ். நடிகராக மட்டுமல்லாமல் தயாரிப்பாளர், இயக்குனர், பாடகர் என பன்முகத்திறன் கொண்டவராக விளங்கி வருகின்றார் தனுஷ். மேலும் தமிழை தாண்டி பாலிவுட் மற்றும் ஹாலிவுட் வரை சென்று அசத்தி வருகின்றார். இந்நிலையில் தற்போது ஒரே சமயத்தில் பல படங்களில் நடித்துவரும் தனுஷ் மீண்டும் இயக்குனர் அவதாரம் எடுக்கப்போவதாகவும் தகவல்கள் வருகின்றன
தொடர் தோல்விகள்
என்னதான் தனுஷ் முன்னணி நடிகராக இருந்தாலும் அவரின் சமீபத்திய திரைப்படங்கள் தொடர்ந்து தோல்வியை சந்தித்தன. மேலும் அவரின் திரைப்படங்கள் திரையரங்கில் வெளியாகாமல் தொடர்ந்து OTT யில் வெளியானது அவரது ரசிகர்களை ஏமாற்றத்தில் ஆழ்த்தியது. கார்த்திக் சுப்புராஜ் இயக்கத்தில் வெளியான ஜகமே தந்திரம், தமிழ் மற்றும் ஹிந்தியில் வெளியான அத்ராங்கி ரே மற்றும் மாறன் ஆகிய படங்கள் தொடர்ந்து OTT வெளியாகி படுதோல்வி அடைந்தன. அதிலும் குறிப்பாக மாறன் திரைப்படம் கடுமையான விமர்சனத்தை சந்தித்தது
எதிர்பார்த்த வெற்றி
இந்நிலையில் தொடர் தோல்விகளினால் கட்டாய வெற்றியை எதிர்நோக்கி காத்திருந்தார் தனுஷ். அந்த சமயத்தில் தான் மித்ரன் ஜவஹர் இயக்கத்தில் திருச்சிற்றம்பலம் திரைப்படம் வெளியானது. அனிருத்தின் இசையில் பாரதிராஜா, நித்யாமேனன் , பிரகாஷ் ராஜ் ஆகியோரின் நடிப்பில் வெளியான இப்படம் தனுஷிற்கு மிகப்பெரிய வெற்றியை தேடி தந்தது. மேலும் வசூலிலும் மிகப்பெரிய சாதனையை படைத்தது திருச்சிற்றம்பலம் திரைப்படம். இதையடுத்து செல்வராகவன் இயக்கத்தில் தனுஷ் இரட்டை வேடத்தில் நடித்த நானே வருவேன் திரைப்படமும் ரசிகர்களின் வரவேற்பை பெற்றது குறிப்பிடத்தக்கது
ஒத்திவைப்பு
தனுஷ் தமிழ் மற்றும் தெலுங்கில் உருவாகும் வாத்தி படத்தில் தற்போது நடித்து வருகின்றார். இப்படத்தின் மூலம் தனுஷ் நேரடி தெலுங்கு படத்தில் அறிமுகமாகிறார். இந்நிலையில் இப்படம் டிசம்பர் மாதம் வெளியாகும் என தெரிவிக்கப்பட்டது. ஆனால் டிசம்பர் மாதம் மிகப்பெரிய எதிர்பார்ப்பில் இருக்கும் அவதார் படம் வெளியாவதால் வாத்தி படத்தை தள்ளி வைத்துள்ளார் தனுஷ். அதன் பிறகு ஜனவரியில் விஜய்யின் வாரிசு மற்றும் அஜித்தின் துணிவு திரைப்படம் வெளியாவதால் வாத்தி திரைப்படத்தை பிப்ரவரி மாதம் வெளியிட தனுஷ் முடிவெடுத்துள்ளாராம். இந்நிலையில் தனுஷின் படம் இவ்வாறு தள்ளி போவதால் அவரது ரசிகர்கள் ஏமாற்றத்தில் இருப்பது குறிப்பிடத்தக்கது