மாறி மாறி நன்றி சொல்லி கொள்ளும் தனுஷ் மற்றும் கார்த்திக் சுப்புராஜ்: காரணம் இதுதான்!

கார்த்திக் சுப்புராஜ் , தனுஷ் கூட்டணியில் .உருவாகியுள்ள 'ஜகமே தந்திரம்' திரைப்படம் இன்று ஓடிடி வெளியீடாக நெட்பிளிக்ஸில் ரிலீசாகி உள்ளது. படத்தை நேரடியாக திரையரங்கில் பார்த்து கொண்டாடலாம் என நினைந்திருந்த ரசிகர்களுக்கு ஓடிடி ரிலீஸ் ஏமாற்றமாக அமைந்தாலும், இன்று ஓடிடியில் வெளியான ஜகமே தந்திரம் திரைப்படத்திற்கு ரசிகர்கள் மத்தியில் இருந்து பாசிட்டிவ் கமெண்ட்கள் வர துவங்கியுள்ளன.

கார்த்திக் சுப்புராஜ் இயக்கத்தில் தனுஷ், ஹாலிவுட் நடிகர் ஜேம்ஸ் காஸ்மோ, ஐஸ்வர்யா லட்சுமி, லால் ஜோஸ், கலையரசன், ராசுக்குட்டி உள்ளிட்ட பலர் நடிப்பில் உருவாகியுள்ள திரைப்படம் 'ஜகமே தந்திரம்'. சந்தோஷ் நாராயணன் இசையமைத்துள்ள இந்த திரைப்படத்தை , ஒய் நாட் ஸ்டுடியோஸ் நிறுவனம் தயாரித்துள்ளது.பெரும் பொருட்செலவில் உருவாகியுள்ள இந்த திரைப்படத்தின் படப்பிடிப்பு கடந்த ஆண்டே நிறைவடைந்தது. கொரனோ ஊரடங்கு காரணமாக படம் வெளியாகாமல் இருந்தது.

இந்நிலையில் இன்றைய தினம் ஓடிடியில் நேரடியாக வெளியாக உள்ளது ஜகமே தந்திரம் திரைப்படம். கேங்ஸ்டர் படமாக உருவாகியுள்ள இந்த படத்தில் சுருளி என்ற கதாபாத்திரத்தில் தனுஷ் நடித்துள்ளார். , 17 மொழிகளில், 190 நாடுகளில் வெளியாகி சாதனை புரிந்துள்ளது ஜகமே தந்திரம் திரைப்படம். இந்நிலையில் படத்தின் இயக்குனர் கார்த்திக் சுப்புராஜுக்கு நன்றி தெரிவித்து தனது ட்விட்டர் பக்கத்தில் பதிவு ஒன்றை பகிர்ந்துள்ளார் நடிகர் தனுஷ்.

திருமண ஆசையை கூறிய ரசிகர்: ஆல்ரெடி கமிட் என கதவை சாத்திய ப்ரியா பவானி சங்கர்!
'ஜகமே தந்திரம்' மற்றும் சுருளி கதாபாத்திரத்தை வழங்கிய கார்த்திக் சுப்புராஜுக்கு நன்றி. உங்களுடன் பணிபுரிந்த மற்றும் மிகவும் கொடூரமான கேங்ஸ்டரான சுருளி கதாபாத்திரத்தில் நடித்த ஒவ்வொரு தருணத்தையும் ரசித்தேன். எல்லாப் புகழும் உங்களுக்கும் உங்கள் குழுவினருக்குமே சேரும் என தனது ட்விட்டர் பதிவில் குறிப்பிட்டுள்ளார் தனுஷ்.


அவரின் இந்த பதிவிற்கு பதிலளித்துள்ள இயக்குனர் கார்த்திக் சுப்புராஜ், ‘எனக்கும் அதே உணர்வுதான். அனைத்துக்கும் நன்றி தெரிவித்துக் கொள்கிறேன். உங்களுடைய விடாமுயற்சி இல்லையெனில் ‘ஜகமே தந்திரம்’ சாத்தியமாகியிருக்காது. உங்களைப் போன்ற ஓர் அற்புதமான நடிகர் மற்றும் மனிதருடன் பணிபுரிந்தது என்னுடைய அதிர்ஷ்டமாக உணர்கிறேன். சுருளிக்கு உயிர்கொடுத்த இந்த அனுபவத்தை என்றென்றும் போற்றிப் பாதுகாப்பேன்’ என்று தெரிவித்துள்ளார்.