யாரா இருந்தாலும் பின்னாடி தான்: வசூலில் முதலிடம் பிடித்த தனுஷின் மாரி 2!

தனுஷ் நடிப்பில் வெளியான மாரி 2 சென்னை சிட்டி பாக்ஸ் ஆபிஸ் வசூலில் முதலிடம் பிடித்துள்ளது.

தமிழ் சினிமாவில் முன்னணி நடிகர்களில் ஒருவராக இருப்பவர் நடிகர் தனுஷ். நடிகரைத் தொடர்ந்து, தயாரிப்பாளர், இயக்குனர், பின்னணிப் பாடகர், பாடலாசிரியர் என்று பல திறமைகளை தன்னுள் கொண்டுள்ளார். இந்த நிலையில், மாரி படத்தின் வெற்றியைத் தொடர்ந்து மீண்டும் இயக்குனர் இயக்குனர் பாலாஜி மோகன் இயக்கத்தில் தனுஷ் நடிப்பில் நேற்று உலகம் முழுவதும் வெளியான படம் மாரி 2.

Also Read This:மாரி 2 வெற்றியைத் தொடர்ந்து அசுரன் அவதாரம் எடுக்கும் தனுஷ்!


இப்படத்தில் இவருக்கு ஜோடியாக சாய் பல்லவி நடித்திருந்தார். ரசிகர்களிடையே நல்ல வரவேற்பைப் பெற்றுள்ள இப்படம் முதல் நாளில் சென்னை சிட்டி பாக்ஸ் ஆபிஸில் மட்டும் ரூ.41 லட்சம் வரையில் வசூல் செய்துள்ளது. இப்படத்திற்கு போட்டியாக வந்த அடங்க மறு ரூ.31 லட்சமும், கனா ரூ.11 லட்சமும், சிலுக்குவார்பட்டி சிங்கம் ரூ.11 லட்சமும் வசூல் அள்ளியுள்ளது. இதற்கு முன்னதாக வெளியான சீதக்காதி படம் 2 நாட்கள் முடிவில் ரூ. 47 லட்சம் வரையில் மட்டும் வசூல் எடுத்துள்ளது. சீதக்காதி வெளியான முதல் நாளில் ரூ.13 லட்சம் மட்டும் வசூல் எடுத்துள்ளது என்பது குறிப்பிடத்தக்கது.

மாரி 2 படத்தின் வெற்றியைத் தொடர்ந்து தனுஷ் மீண்டும் வெற்றிமாறன் இயக்கத்தில் இணைந்துள்ளார். இந்தக் கூட்டணியில் உருவாகும் புதிய படத்திற்கு அசுரன் என்று டைட்டில் வைத்துள்ளனர். இப்படத்தை தயாரிப்பாளர் கலைப்புலி எஸ் தாணுவின் வி கிரியேஷன்ஸ் நிறுவனம் தயாரிக்கிறது என்பது குறிப்பிடத்தக்கது.