துருவ் விக்ரமின் புதிய அவதாரம்: வைரலாகும் வீடியோ!

கார்த்திக் சுப்புராஜ் இயக்கத்தில் விக்ரம் நடிக்கும் 'மகான்' படத்தின் படப்பிடிப்பு அண்மையில் முழுவதுமாக நிறைவு பெற்றது. இந்தப்படத்தில் தனது மகன் துருவ் விக்ரமுடன் இணைந்து நடிக்கிறார் விக்ரம். அண்மையில் 'மகான்' படத்தின் டப்பிங் பணிகள் நிறைவடைந்துள்ளதாக இயக்குனர் கார்த்திக் சுப்புராஜ் தனது ட்விட்டர் பக்கத்தில் தெரிவித்திருந்தார்.

கார்த்திக் சுப்புராஜ் இயக்கத்தில் தனது 60 வது படமான மகானில் நடித்து முடித்துள்ளார் விக்ரம். இந்த படத்தில் முதன்முறையாக தனது மகன் துருவ்வுடம் இணைந்து நடித்து வருகிறார். இந்த படத்தை 7 ஸ்கிரீன் ஸ்டூடியோ நிறுவனம் சார்பில் லலித்குமார் தயாரிக்கிறார். ஆக்ஷன் திரில்லர் கலந்த படமாக மகான் உருவாகி வருகிறது. இப்படத்தில் சிம்ரன், வாணி போஜன், பாபி சிம்ஹா ஆகியோர் முக்கிய கதாபாத்திரத்தில் நடிக்கின்றனர்.

சந்தோஷ் நாராயணன் இசையமைக்கும் இந்தப்படத்தின் படப்பிடிப்பு கொரோனா இரண்டாம் அலையால் நிறுத்தப்பட்டுள்ளது. இந்நிலையில் கொரோனா தொற்று குறைந்து வருவதை தொடர்ந்து அண்மையில் மகான் படத்தின் படப்பிடிப்பு மீண்டும் துவங்கியது. இந்த படத்தின் இறுதிக்கட்ட படப்பிடிப்பிற்காக கடந்த சில மாதங்களுக்கு முன்பாக படக்குழுவினர் டார்ஜிலிங் சென்றனர்.

AK பாணியில் STR: 'வெந்து தணிந்தது காடு' படத்தின் வேற லெவல் அறிவிப்பு!
அண்மையில் 'மகான்' படப்பிடிப்பு முழுவதுமாக நிறைவடைந்தது. இந்நிலையில் கடந்த சில தினங்களுக்கு முன்பாக இந்தப்படத்தின் டப்பிங் பணிகள் நிறைவடைந்துள்ளதாக கார்த்திக் சுப்புராஜ் தனது ட்விட்டர் பக்கத்தில் தெரிவித்திருந்தார்ர். விக்ரமும், துருவ்வும் டப்பிங் ஸ்டியோவில் எதிரெதிர் நிற்கும் மிரட்டலான புகைப்படத்தையும் பகிர்ந்திருந்தார்.


இந்நிலையில் பிரபல இசையமைப்பாளர் சந்தோஷ் நாராயணன் ஸ்டூடியோவில் துருவ் விக்ரம் இருப்பது போன்ற வீடியோ ஒன்று அவரது இன்ஸ்டாகிராம் பக்கத்தில் வெளியாகி வைரலாகி வருகிறது. இதனால் 'மகான்' படத்தில் அவர் ஏதேனும் பாடல் பாடியுள்ளார் என்ற எதிர்பார்ப்பு ரசிகர்கள் மத்தியில் ஏற்பட்டுள்ளது. இந்த வீடியோ தற்போது இணையத்தில் வைரலாகி வருகிறது.