இது சிம்பு ரசிகர்களுக்காக! ஆட்டோகிராப் வாங்கி வீடியோ வெளியிட்ட பிரபல நடிகர்!

தமிழ் திரையுலகில் முன்னணி நடிகர்களில் ஒருவராக சிம்பு வலம் வருகிறார். இவர் கடைசியாக நடித்து வெளிவந்த படம் “வந்தா ராஜாவாதான் வருவேன்”. இதில் உடல் எடை அதிகமாக காணப்பட்டார்.

இது அவரது ரசிகர்கள் மத்தியில் குறையாகப் பார்க்கப்பட்டது. இந்த சூழலில் தனது அடுத்தப் படத்திற்காக வெளிநாடு சென்று, உடல் எடையை குறைத்து வந்துள்ளார். வெங்கட் பிரபு இயக்கத்தில் “மாநாடு” படத்தில் நடிக்க உள்ளார்.

இதற்கிடையில் நார்தன் இயக்கும் படத்தில் ஒப்பந்தம் ஆகியுள்ளார். இவர் கன்னடத்தில் சிவராஜ்குமார் நடிப்பில் வெளிவந்த “மப்டி” படத்தை இயக்கியவர். இதே படத்தை தற்போது ரீமேக் செய்துள்ளார்.

இதில் கௌதம் கார்த்திக் முக்கிய கதாபாத்திரத்தில் நடிக்கிறார். இதற்கு இன்னும் பெயரிடப்படாத நிலையில், “தயாரிப்பு எண் 20” என்று அழைக்கப்பட்டு வருகிறது. இந்தப் படத்திற்கான படப்பிடிப்பு விறுவிறுப்பாக நடைபெற்று கொண்டிருக்கிறது.

இந்நிலையில் நடிகர் சிம்பு உடன் கௌதம் கார்த்திக் ஆட்டோகிராப் வாங்கியுள்ளார். இதன் வீடியோவை தனது டுவிட்டர் பக்கத்தில் பதிவிட்டுள்ளார். அதில், இது சிம்பு ரசிகர்களுக்காக. மனிதநேயம் கொண்டவர்.

அவருடன் நடிப்பதில் மிகவும் பெருமை என்று குறிப்பிட்டுள்ளார். இது சமூக வலைத்தளங்களில் தற்போது வைரலாகி வருகிறது.