ஹாலிவுட் வரை கலக்கிய இந்திய நடிகருக்கு இப்படி ஒரு கொடிய நோயா?

பாலிவுட்டில் பிரபல நடிகராக இருக்கும் இர்பான் கான், தனக்கு ‘நியூரோஎன்டோகிரைன் டியூமர்’ என்ற மிகவும் அரிதான கொடிய நோய் தாக்கியுள்ளதாக தெரிவித்துள்ளார்.

பாலிவுட்டில் மிகச் சிறந்த நடிகர்களில் ஒருவராக திகழ்பவர் இர்பான் கான். சிறந்த கதைகளை தேர்வு செய்து, நல்ல படங்களை வழங்கி ரசிகர்கள் மத்தியில் தனி இடத்தையே பிடித்துள்ளார். அதுமட்டுமின்றி, ‘ஸ்லம்டாக் மில்லியனேர்’ படத்தில் நடித்து ஹாலிவுட் வரை பிரபலமாகி, ‘தி அமேசிங் ஸ்பைடர்மேன்’, ‘ஜுராசிக் வோர்ல்ட்’, ‘லைப் ஆப் பை’ உள்ளிட்ட பிரம்மாண்ட ஹாலிவுட் படங்களில் நடித்து பல்வேறு பாராட்டுகளை பெற்றுள்ளார்.

இந்நிலையில், கடந்த சில நாட்களாக அவருக்கு கொடிய நோய் தாக்கியுள்ளதாக செய்திகள் வெளியாகின. இதையடுத்து, நடிகர் இர்பான் கான் தனது ட்விட்டர் பக்கத்தில், தனக்கு ‘நியூரோஎன்டோகிரைன் டியூமர்’ என்ற நோய் தாக்கியுள்ளதாக தெரிவித்துள்ளார். மேலும், தனக்காக பிரார்த்தனை செய்த அனைவருக்கும் அவர் நன்றியையும் தெரிவித்துள்ளார்.
🙏🏻 pic.twitter.com/IDThvTr6yF — Irrfan (@irrfank) March 16, 2018 இர்பான் கானை தாக்கியுள்ள இந்த நோய் மிகவும் கொடிய உயிர்கொல்லி நோயாகும். மிகவும் அரிதான இந்நோய், ஹார்மோன் சுரக்கும் நரம்பு செல்களில் திசு வளர்ச்சியை அதிகரிக்கிறது. மேலும், உடலின் எந்த உறுப்பைத் தாக்கியுள்ளது என்பதைப் பொறுத்து இதன் பாதிப்பு தீவிரமடையும்.

இதுவரையில், எந்த உறுப்பில் பாதிக்கப்பட்டுள்ளது என்பது பற்றியும், நோயின் தீவிரம் பற்றியும், நோயின் தீவிரம் பற்றியும் எவ்வித தகவலும் வெளியிடாத நிலையில், அவர் குணமடைய வேண்டுமென சினிமா ரசிகர்களும், திரைத்துறையினரும் பிரார்த்தனை செய்து வருகின்றனர்.