நடிகர் ஜெய் பிறந்தநாள்: சமூக வலைத்தளங்களில் பிரபலங்கள், ரசிகர்கள் வாழ்த்து

விஜய் நடித்த பகவதி படத்தில் அவருக்கு தம்பியாக நடித்து தமிழ் சினிமாவில் அறிமுகம் ஆனவர் ஜெய். அந்த படம் தான் அவருக்கு அடையாளத்தை கொடுத்தது. 'நீங்க இல்லைனா நான் இந்த இடத்தில இல்லை' என விஜய்க்கு ஜெய் நன்றி கூறியதுண்டு. இந்த படம் வந்து 18 வருடங்கள் ஆகிவிட்டது.

அதற்கு சில வருடங்களுக்கு பிறகு சென்னை 28 பட வாய்ப்பு அவருக்கு கிடைத்தது. அதற்கு பிறகு தான் ஜெய் மிக பிஸியான நடிகர்களில் ஒருவராக மாறினார்.

சுப்ரமணியபுரம், சரோஜா, வாமனன், கோவா என பல படங்களில் நடித்தார். அதன் பிறகு அட்லீயின் ராஜா ராணி படத்தில் ஜெய்யின் கதாப்பாத்திரம் அதிகம் பாராட்டப்பட்டது. அப்பாவி பையன் கேரக்டரில் கச்சிதமாக நடித்திருப்பார் அவர்.

அதற்கு பிறகு வருடத்திற்கு இரண்டு மூன்று படங்கள் என இடைவெளி இல்லாமல் தொடர்ந்து நடித்து வருகிறார் ஜெய். கடைசியாக அவர் நடிப்பில் கேப்மாரி படம் ரிலீஸ் ஆகியிருந்தது. விஜய்யின் அப்பா எஸ்.,ஏ.சந்திரசேகர் தான் இந்த படத்தை இயக்கியிருந்தார்.

ஜெய் தற்போது அறிமுக இயக்குனர் வெற்றிசெல்வன் இயக்கத்தில் எண்ணி துணிக என்ற படத்தில் நடித்து வருகிறார். அது மட்டுமின்றி ஜெய் ஹீரோவாக நடிக்கும் பிரேக்கிங் நியூஸ் என்ற படம் சென்ற வருட ஆரம்பத்திலேயே ஷூட்டிங் துவங்கியது. ஆனால் இன்னும் ரிலீஸ் ஆகாமல் இருக்கிறது அது.

ஏப்ரல் 6 இன்று ஜெய்க்கு பிறந்தநாள். அவரது ரசிகர்கள் ட்விட்டர் உள்ளிட்ட சமூக வலைத்தளங்களில் வாழ்த்து தெரிவித்து வருகின்றனர்.