தொகுப்பாளினியை வர்ணித்த பிரபல நடிகர்!

நிகழ்ச்சியை தொகுத்து வழங்கிய தொகுப்பாளினியை நடிகர் ஜான் விஜய், வர்ணித்த சம்பவம் தற்போது சர்ச்சைக்குள்ளாகி உள்ளது.

சமீபகாலமாக படங்களில் சிறப்பு வேடங்களில் நடித்து வருபவர் நடிகர் ஜான் விஜய். இவர் ரஜினியுடன் ‘கபாலி’ படத்தில் நடித்தார். இந்தப் படத்திற்குப் பின்னர் இவர் பிரபலமானார்.

அண்மையில் ‘வண்டி’ படத்தின் இசை மற்றும் டிரைலர் வெளியீட்டு விழா நடைபெற்றது. இந்தப் படத்தில் விதார்த் ஹீரோவாக நடித்திருந்தார். மேலும் படத்தில் நடிகர் ஜான் விஜய்யும் படத்தில் நடித்துள்ளார். இந்தப் படத்தின் இசையை நடிகர் ஜி.வி. பிரகாஷ் வெளியிட்டார். டிரைலரை விஜய் சேதுபதி இணையளத்தில் வெளியிட்டார்.

இவ்விழாவில் கலந்து கொண்டு நடிகர் ஜான் விஜய் பேசினார். அப்போது அங்கு நிகழ்ச்சியை தொகுத்து வழங்கி வந்த தொகுப்பாளினியை பார்த்து ஜான் விஜய், ‘‘உங்க புடவை அழகா இருக்கு. உங்க புன்னகையையும், சிரிப்பையும் பார்த்தா நாக்கு உளறுது. கை கால்கள் எல்லாம் படபடக்குது. நான் உங்ககிட்ட தனியா பேசணும், வாங்க வண்டில ஒரு ரவுண்டு போலாம்’’ என பேசினார். இது தற்போது சார்ச்சைக்குள்ளாகியுள்ளது.