‘நாடக மேடை’யில் ஹீரோவான காளிதாஸ் ஜெயராம்!

கார்த்திக் நரேன் இயக்கவுள்ள ‘நாடக மேடை’ படத்தில் காளிதாஸ் ஜெயராம் ஹீரோவாக நடிக்கவுள்ளார்.

‘துருவங்கள் 16’ படத்தை இயக்கி வெற்றி இயக்குனர் பட்டியலில் இடம்பெற்றவர் கார்த்திக் நரேன். தற்போது இவர் ‘நரகாசுரன்’ என்ற படத்தை இயக்கி வருகிறார். இந்தப் படத்தில் அரவிந்த்சாமி, ஸ்ரேயா, சந்தீப் கிருஷ்ணா, ஆத்மிகா உட்பட பலர் நடித்து வருகின்றனர். இந்தப் படம் விரைவில் ரிலீசாகிறது.

இந்நிலையில், தனது மூன்றாவது படத்துக்கு ‘நாடக மேடை’ என்று பெயரிட்டுள்ளார். இந்தப் படத்தை அவரே தயாரிக்கவுள்ளார். இந்த படத்தில் ரகுமான் மற்றும் காளிதாஸ் ஜெயராம் நடிக்க உள்ளதாக கார்த்திக் நரேன் அறிவித்துள்ளார். படத்திற்கு சுஜித் சரங் ஒளிப்பதிவு செய்கிறார். ரோன் ஈத்தன் யோகன் இசையமைக்கிறார். மற்ற நடிகர்கள் பற்றி விரைவில் அறிவிக்கப்படுகிறது.