‘விக்ரம்’ படத்தின் வெறித்தனமான வெற்றி: அடுத்த சம்பவத்திற்கு தயாராகும் ஆண்டவர்.!

கமல் நடிப்பில் உருவாகியுள்ள 'விக்ரம்' படத்திற்காகவெறித்தனமாக காத்திருந்தனர் ரசிகர்கள். இந்தப்படம் தொடர்பாக வெளியாகும் ஒவ்வொரு அப்டேட்யும் இணையத்தை தெறிக்கவிட்டது. ரசிகர்களின் மிகப்பெரிய எதிர்பார்ப்பிற்கு மத்தியில் நேற்றைய தினம் திரையரங்குகளில் வெளியானது ‘விக்ரம்’.


மாநகரம், கைதி, மாஸ்டர் படங்களின் மூலம் தமிழ் சினிமாவின் முன்னணி இயக்குனர்கள் பட்டியலில் இடம் பிடித்துள்ளவர் லோகேஷ் கனகராஜ். கமலின் தீவிர ரசிகரான இவர் கமல் 'விக்ரம்' படத்தை இயக்கியது ரசிகர்கள் மத்தியில் மிகப்பெரிய எதிர்பார்ப்பினை கிளப்பியது. ரசிகர்களின் ஆர்வத்தை முழுவதுமாக பூர்த்தி செய்யும் படமாக பக்கவான ஆக்ஷன் த்ரில்லராக நேற்றைய தினம் இந்தப்படம் திரையரங்குகளில் வெளியானது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
சந்தனம் என்ற வித்தியாசமான கதாபாத்திரத்தில் விஜய் சேதுபதியும், அமராக பகத் பாசிலும் நடிப்பில் மிரட்டியுள்ளனர். ரோலோக்ஸ் என்ற கெஸ்ட் ரோலில் செம்ம ஸ்டைலிஸ் வில்லனாக க்ளைமேக்ஸ் காட்சியில் தோன்றி மிரட்டினார் சூர்யா. நான்கு வருடங்களுக்கு பிறகு கமலின் நடிப்பில் வெளியாகி ரசிகர்களுக்கு மிகப்பெரிய விருந்தை படைத்து வருகிறது ‘விக்ரம்’.


மேலும் திரையிட்ட இடங்களில் எல்லாம் பாசிட்டிவான விமர்சனத்தையும், பாக்ஸ் ஆபிஸில் வசூலையும் குவித்து வருகிறது ‘விக்ரம்’. இதனை தொடர்ந்து கமலின் அடுத்த படத்திற்கான எதிர்பார்ப்பு ரசிகர்கள் மத்தியில் குவிந்துள்ளது. இந்நிலையில் சமீபத்தில் தொலைக்காட்சி நிகழ்ச்சி ஒன்றில் பேசிய கமல், ‘விக்ரம்’ படத்திற்கு பிறகு தான் நடிக்கவுள்ள படம் குறித்து பேசியிருந்தார்.


Vikram: மகளுடன் ‘விக்ரம்’ படம் பார்த்த ஷாலினி அஜித்: என்ன சொல்லிருக்காரு பாருங்க.!

அதில் மலையாள இயக்குனரான மகேஷ் நாராயணன் இயக்கத்தில் நடிக்கவிருப்பதை உறுதி செய்துள்ளார் கமல். இந்த அறிவிப்பு ரசிகர் மத்தியில் உற்சாகத்தை ஏற்படுத்தியுள்ளது. இவர் அண்மையில் பகத் பாசில் நடிப்பில் வெளியான ‘மாலிக்’ படத்தினை இயக்கியிருந்தார். கமலின் ‘நாயகன்’ பாணியில் இந்தப்படம் உருவாகியிருந்தது குறிப்பிடத்தக்கது.