17 வருடங்கள் கழித்தும் ட்ரெண்டிங்கில் கமல்!!

கடந்த 2004ஆம் ஆண்டு ஜனவரி மாதம் 14ஆம் தேதியில் ரிலீஸான திரைப்படம் Virumaandi. இத்திரைப்படத்தை உலக நாயகன் கமல் ஹாசன் எழுதி, இயக்கி நடித்திருந்தது குறிப்பிடத்தக்கது. Ilaiyaraja இசையமைப்பில் அபிராமி, பசுபதி, நெப்போலியன் போன்றவர்கள் முக்கிய வேடங்களில் நடித்திருந்தனர். இந்த திரைப்படத்தில் நடித்த அனைத்து கதாபாத்திரங்களும் மக்கள் மத்தியில் நல்ல வரவேற்பை பெற்றது குறிப்பிடத்தக்கது. இது தெலுங்கில் போதுராஜூ என்ற பெயரில் வெளிவந்தது.

மேலும் தென்கொரியாவில் நடைபெற்ற உலகத் திரைப்பட விழாவில் 2004ஆம் ஆண்டிற்கான சிறந்த ஆசிய திரைப்படம் என்ற விருதைப் பெற்றது. விருமாண்டி திரைப்படம் ரிலீசான பிறகு வசூல் ரீதியாக நல்ல வெற்றி பெற்றாலும், சாதி அரசியல், மரண தண்டனை போன்ற விவாதப் பொருட்களால் நிறைய விமர்சனங்களை சந்தித்தது.

விக்ரம் பிரபு, லட்சுமி மேனன் நடித்துள்ள படம் நேரடியாக தொலைக்காட்சியில் வெளியீடு!
படத்திற்கு முதலில் ’சண்டியர்’ என பெயர் வைத்து விளம்பரம் செய்து வந்தனர். சாதியின் பெயரால் படம் எடுக்கப்படுகிறது என்று படத்திற்கு அனுமதி மறுக்கப்பட்டு கடுமையான விமர்சனங்களுக்கு உள்ளானதால் பின்பு ’விருமாண்டி’ என்று கதாநாயகனின் பெயரையே படத்திற்கு வைத்தனர்.

17 வருடங்கள் கழித்து வருகின்ற ஜனவரி 14ஆம் தேதி விருமாண்டி திரைப்படத்தை அமேசான் ப்ரைம் -ல் ரீ-ரிலீஸ் செய்யப் போவதாக அறிவித்துள்ளனர். இதனையொட்டி தற்போது ராஜ் கமல் ஃபில்ம்ஸ் பேனரில் படத்தின் ட்ரெய்லர் யூடியூபில் வெளியிடப்பட்டுள்ளது.

தளபதி விஜயின் கதாபாத்திரத்தில் சியான் விக்ரம்..!
ரசிகர்களின் மத்தியில் படத்தின் ட்ரைலர் நல்ல வரவேற்பை பெற்று, 8 லட்சம் பார்வையாளர்களை கடந்து யூ-டியூப் ட்ரெண்டிங்கில் 5வது இடத்தில் உள்ளது. ரசிகர்களின் ஆதரவால் 17 வருடங்கள் கழித்தும் புதுப்படங்களுக்கு கொடுக்கும் வரவேற்பை ’விருமாண்டி’ திரைப்படம் பெற்றுள்ளது குறிப்பிடத்தக்கது.