அண்ணி நடித்த படத்தைப் பார்த்து பாராட்டிய கார்த்தி!

அண்ணி ஜோதிகா நடித்த ‘நாச்சியார்’ படத்தைப் பார்த்து நடிகர் கார்த்தி பாராட்டியுள்ளார்.

இயக்குனர் பாலா இயக்கத்தில் ஜோதிகா, ஜி.வி.பிரகாஷ் குமார் நடிப்பில் சென்ற வாரம் வெளியான படம் ‘நாச்சியார்’. இந்நிலையில் நடிகர் சிவக்குமார் ‘நாச்சியார்’ படத்தை. பார்த்துவிட்டு இயக்குனர் பாலா, ஜோதிகா, ஜி.வி.பிரகாஷ், இசை அமைப்பாளர் இளையராஜா, ஒளிப்பதிவாளர் ஈஸ்வர் ஆகியோரை பாராட்டினார்.

இப்போது நடிகர் கார்த்தியும் அண்ணி ஜோதிகா நடித்த ‘நாச்சியார்’ படத்தை பார்த்து பாராட்டு தெரிவித்துள்ளார். ‘‘நாச்சியார்’ ரொம்பவும் ‘நீட்’டான, விறுவிறுப்பான, அழுத்தமான கதையை கொண்ட படம் மட்டுமல்ல, நல்ல பெர்பார்மென்ஸ் வெளிப்பட்ட படம்! பாசிட்டிவான கேரக்டர்களை கொண்ட பாலாவின் இந்த படத்தில் அண்ணி (ஜோதிகா), ஜி.வி.பிரகாஷ் ஆகியோரின் கதாபாத்திரங்கள் அழுத்தமான முறையில் வடிவமைக்கப்பட்டுள்ளது! பல நல்ல விஷயங்கள் உள்ள ‘நாச்சியாரை’ ரொம்பவும் ரசித்தேன்’’ என்று பாராட்டியுள்ளார் கார்த்தி.