சூர்யா படத்தில் முக்கிய கேரக்டரில் நடிக்கும் கார்த்திக்!

சூர்யா நடித்து வரும் ‘தானா சேர்ந்த கூட்டம்’ படத்தில் சீனியர் நடிகர் கார்த்திக் முக்கிய கேரக்டரில் நடிக்கவுள்ளார்.

நடிகர் சூர்யா & நடிகை கீர்த்தி சுரேஷ் நடிப்பில் உருவாகி வரும் ‘தானா சேர்ந்த கூட்டம்’ படத்தை இயக்குனர் விக்னேஷ் சிவன் இயக்கி வருகிறார். மேலும் படத்தில் செந்தில், பார்த்திபன், சுரேஷ் மேனன், மன்சூர் அலிகான் உட்பட பல சீனியர் நடிகர்கள் நடிக்கின்றனர். இந்நிலையில் மற்றொரு சீனியர் நடிகர் ஒருவர் இணைந்துள்ளார்.

கோலிவுட்டில் 1990களில் முன்னணி நடிகராக இருந்தவர் நடிகர் கார்த்திக். இந்த படத்தில் தற்போது சூர்யாவுடன் இணைந்துள்ளார். இந்த படத்தின் படப்பிடிப்பு முடிய இன்னும் பத்து நாட்கள் மட்டுமே மீதமுள்ள நிலையில் மிகமுக்கிய கேரக்டர் ஒன்றில் நடிக்க கார்த்திக் ஒப்பந்தமாகியுள்ளதாக கூறப்படுகிறது. சூர்யா படத்தில் கார்த்திக் நடிக்கும் முதல் படம் என்பதால் இந்த படத்திற்கு பெரிய எதிர்பார்ப்பும் ஏற்பட்டுள்ளது.